Isaya 13:2 - Bhibhiliya Nya Guage

² “Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 13:2 Iomraidhean Croise

Dzindzimo 60:4

U ningide ngavbya avo va gu ningago githawo, gasi va vbuluga ga gighalala gya nala.

Isaya 10:32

Khu litshigu lolo kamwe, Asiriya a na vboha Nobhi; a yeyedza gibhakela ga nyamahegyane wa gigomoni ga Siyoni, ni ga gigomwana gya Jerusalema.

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 11:15

Pfhumu Nungungulu a na bangisa nondrwa nya yiphwa ya Egipito, a na khusedza mandza yaye a dwanisa tsongo wa Ewufrate, khu furugedzo waye nya tshivba, wu na kabaniswa khu livbandre na sivili sitsongwana si na tsemakanywago khu migondro.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 31:9

Likhokhola laye nya wuthavelo li na mbemba ni vathangeli vaye va na ndrendremela khu gu thava va tshiya ngavbya, khu Pfhumu Nungungulu a ganelago kharato. Nilo waye wu dzura gigomoni gya Siyoni, ni gikho gyaye, gi vasidwe dhoropani ga Jerusalema.

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 50:41

Wonani, va nguta vathu va dugelago khu phuvbo ga Wuronga; litigo nya likhongolo, ni vafumeli nya vangi nya tshivba, va na dugelela khu mahegiso nya litigo;

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 51:58

Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”