Isaya 13:19 - Bhibhiliya Nya Guage

¹⁹ Bhabhiloni, oyu a gu mburi ga mifumo yatshavbo, lidhoropa nya matshandza ya Vakalidhiya ni wuzundzo wawe, li na fanana ni Sodhoma ni Ghomora, ayo Nungungulu a nga ma mbembisago.

Isaya 13:19 Iomraidhean Croise

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

Genesi 19:25

A di pfhungumula madhoropa yale, ni lipani latshavbo, gumogo ni vathu vatshavbo va dhoropani ni satshavbo si velegwago mafuni.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 21:9

Olu, wonani! Gu nguta gikwata nya vama, vakhileli nya dzikavalu khu vavili vavili. Khavbo avbo, uye a di khusa lito a ganela, khuye: Thegide! Thegide Bhabhiloni; ni sifananiso saye satshavbo nya vanungungulu nya guvatwe, si pandregede si mbambamela mafuni.”

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Isaya 48:14

Tshanganani enu mwatshavbo, mu yingise! Khu mani vbakari nya vanungungulu vovo, a tivisidego silo sesi? Pfhumu Nungungulu gode Kiro, a na gira guhaladza gwaye vbatshani ga Bhabhiloni, gyandza gyaye gi na dwana ni Vakalidhiya.

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 49:18

Gu na girega kha nga gu pfhungumudwa ga Sodhoma ni Ghomora, a ngu ganela Pfhumu Nungungulu; madhoropa ya vaakelane, mwalo ni moyo a na gu ya vbaha mule ambari ni uye nya guye luvela umo.

Jeremiya 50:40

Kha nga avbo Nungungulu a vbindrugedzidego khidzo Sodhoma ni Ghomora ni madhoropa ya vbafuvbyana mule, a ngu ganela Pfhumu Nungungulu, kharato nugo gu mwalo muthu a na khalago mule.

Jeremiya 51:26

Mwalo muthu a na gu thumisago gambe siwindri sa vbandzaritunu gwago, gasi gu gira khiso madingo mwendro khokhweni, kholu uwe u na khala marumbi kala gupindruga, a ngu ganela Pfhumu Nungungulu.

Jeremiya 51:29

Mafu ma na tsekatseka khu gu vbisega, kholu makungo ya Pfhumu Nungungulu, momo vbafuvbi ni gu gira iso a sambanyidego gu gira ga litigo la Bhabhiloni, gu li gira marumbi nyamba khadwa gambe khu muthu.

Jeremiya 51:41

Gasi wandridwe ni gu modwa kharini Sisaki, manidwego khu githugedza, uye a gu wudhumo nya litigo latshavbo! Vbindrugedzide kharini a khala gilo nya guthise ni gihegiso vbakari nya mayigo!

Jeremiya 51:62

U ganela, khuwe: Uwe Pfhumu Nungungulu, khuwe u ganedego khu gu pfhungumula lidhoropa leli khuwe, li na khala marumbi nyambana muthu mwendro girengo, gambe li na vbindrugedza li khala giwula kala gupindruga.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Amosi 4:11

Nyi mbembiside va nya gukari va vbakari gwanu, kha nga idzo Nungungulu a nga mbembisago khidzo Sodhoma ni Ghomora, aholu enu nyi mi vbulugisani kha nga khuni yi duswago niloni wu khondrago; ambari khu guralo, enu kha mwa vbindrugedzani mu wuya avbo gwangu, a ngu ganela Pfhumu Nungungulu.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Varoma 9:29

Uye gambe Isaya a di phede khu gu ganela, khuye: “Nari gupwani Pfhumu nya Tshivba Yatshavbo kha nga hi tshiyela melego, na hi mbembide kha nga Sodhoma ni Ghomora.”

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?

Gutuledwa 18:11

Va nya wugwewo va tigoni va mutigo va ngu mu lila va mu dilela kholu mwalo muthu a na gu va rengelago silo sawe va rengisago:

Gutuledwa 18:19

Va di dzi thedzela nguma hungoni, na va gu dilela, va lila marongo, khavo: “Wowe! Wowe! Libango nya lidhoropa eli nya likhongolo li nga fumisago vatshavbo va nya mataro khu dzi thomba dzaye, li phalalegisidwe khu githugedza.”