Isaya 13:18 - Bhibhiliya Nya Guage

¹⁸ Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Isaya 13:18 Iomraidhean Croise

2 Dzipfhumu 8:12

Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Dzindzimo 127:3

Sanana giningwa hi hakhago khu ga Pfhumu Nungungulu, gu mana sanana gukatega.

Isaya 13:16

Sanana sawe sa beleni si na pfareledwa mbeli gwawe, dzindranga dzawe dzi na phangwa, vagadzi vawe, va na pfinywa va sagaredwa.

Isaya 47:9

Aholu sigaradzo sa sivili, si na gu dugelela khu litshigu limwedo; u na fedwa khu sanana sago ni gu khala noni; si na gu garadzela ngudzu. Ambari nuri ni mirendre nya gutale ni wuloyi nya tshivba.

Isaya 5:28

Siholoma sawe si na bani na si lodzidwe gwadi, malaho yawe yatshavbo, na ma khwandridwe; samba nya dzikavalu dzawe, sa gu fanana ni siwindri, ni marodha nya dzikareta dzawe, gukhwatshi gipupwane.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 5:16

Likana nya kwama nya matshari yaye, la gu fanana ni likana nya lithowo li hamidego, ni vathu vaye vatshavbo dzindrena.

Jeremiya 50:30

Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 50:42

na va dongide wulaho ni sighalala; na vari ni gigaha nyamba tsetsa muthu, ligwaha lawe li na fanana ni gudzuma nya linene, va na khilela dzikavalu va fola khu dhiliza gasi guta dwana nago, uwe lidhoropa la Bhabhiloni.

Jeremiya 51:22

nyi gu thumiside gu vbadzulela vama ni vanyamayi; nyi gu thumiside gu vbadzulela sikhosane ni sikhwathana; nyi gu thumiside gu vbadzulela madzaha ni dzimbiri;

Jeremiya 6:23

Va nata na va somide malaho ni sighalala; avo vathu nya lunya ni gumbana gisiro; ligwaha lawe la gu dzuma kha nga libimbi nya linene; na va khilede dzikavalu, na va somide gu dwana nago uwe lidhoropa la Siyoni.”

Ezekiyeli 9:10

Gasi khu gyangu gipandre, kha nyi na va pwela gisiro, gambe kha nyi na va tsetsa, aholu nyi na thesa mihungoni gwawe gukhedza khu esi va giridego.”

Dhaniyeli 7:5

Nyi di simama gu khedza, nyi wona girengo nya wuvili nya gufanane ni Gikankanka, na gi emide khu phuvbo mwedo, kanani gwaye na gi hodzide dzimbambo dzitharu khu magwaha, gi di embedwa pwani: “Khuga u eme u hodza nyama nya gutale.”

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Nahume 2:1

Olu mupfhungumuli womo mbeli gwago uwe Ninivha! Sayisa likhokhola lago! U wonelela ndzila! Hunga giwunu gyago u tiyisa ngudzu tshivba yago.

Nahume 3:10

Ambari khu guralo, uye vbagedwe a yiswa wugumbitunu; sanana saye si pfareledwa mahandzakanyani nya dzindzila. Vathu vawe nya guthavisege, va di va lolela dzisolo, vathangeli vawe, va di modwa va hungwa khu makhetshe.