Isaya 13:14 - Bhibhiliya Nya Guage

¹⁴ Moyo ni moyo a na thava kha nga yisya, a fanana ni tshambi wu gu mwalo muhavisi; muthu ni muthu, a na bwelela ga va na gyawe, vatshavbo va thavela tigoni gwawe.

Isaya 13:14 Iomraidhean Croise

1 Dzipfhumu 22:17

Khavbo avbo, uye a di ganela, khuye: Nya gu wona vatshavbo va na Israyeli va legalegago musigomoni, kha nga dzinvuta nyambana muhavisi, Pfhumu Nungungulu a di nyi embela, khuye: Vathu va gu mwalo waye. Muthu ni muthu a na bwelele gaya gwaye khu gurula.”

1 Dzipfhumu 22:36

Gupfolani nya lidambo, lito li di pwala lizumboni gwatshavbo ga sanana sa Israyeli, li laledza, khilo: “Muthu ni muthu a na bwelele dhoropani gwaye ni tigoni gwaye nya mavelego!”

Isaya 17:13

Vathu nya mayigo va na gulumela kha nga gudzuma nya mavimbi, aholu Uye a na va kawuka, va tutuma va hongola hwindzo, gu fanana ni mungu wa gigomoni wu phalalegiswago khu phuvbo.

Isaya 21:15

Kholu avo va gu thava matshari, wulaho wu ghwimbidwego ni nyimbi nya guthise.

Isaya 47:15

Si na girega kharato ga vale u va lombidego wusingalagadzi, u thumisanidego navo gukhugela wumbirini wago. Va na phalalega, muthu ni muthu a bela khu yaye ndzila; mwalo ni moyo a na gu vbanyisago.”

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 50:16

Fuvisani tigoni ga Bhabhiloni wule a yalago dzimbewu, ni wule a dzegago givbwero gikhatini nya guvbwere dzimbewu; valuveli vatshavbo va na khala hwanga, khu kotani nya nyimbi nya wusaseli, muthu ni muthu a na thavela ga va na gyawe moyo ni moyo a na thavela tigoni gwawe.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Nahume 3:18

Uwe mufumeli wa Asiriya, vahavisi vago va lade, vathu vago nya guthavisege va lade, vathu vago va mbambamede sigomoni, gu si manegi ni muthu nya gu va wungedzele.

Matewu 9:36

Na wonide gidzemo, a di gi pwela gisiro, kholu vatshavbo va di garade havo hokohoko, kha nga dzinvuta nyambana muhavisi.

Marko 6:34

Gikhati Jesu a nga tshiga khu ngalavani, a di wona gidzemo nya gingi, a va pwela wuhindzi, kholu va di khala nga dzinvuta nyambana muhavisi. A di phela gu va hevbudza silo nya singi.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.