Isaya 13:13 - Bhibhiliya Nya Guage

¹³ Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 13:13 Iomraidhean Croise

Joba 9:6

Uye a gu vbevbera mafu a ma dusa malangani gwaye, a ndrendremedzisa ni madingo yakone.

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Dzindzimo 88:16

Likhulo lago li ngu nyi lemela, mavetelo yago ma ngu nyi rerekisa.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 21:1

Aya khu mahungu nya giwula gya vbafuvbi ni yiphwa: Kholu, kha nga phuvbo nya gingulu ni gipupwane sitago khu Marandzi, si vbiyelago satshavbo, musaseli a nata khu giwulani, litigo nya guthise.

Isaya 23:11

Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 24:18

Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 24:19

Mafu yatshavbo ma na pandrega, ma kabanega khu vbakari, ma kutsungwa, ma tsekatseka khu tshivba.

Isaya 34:4

Lidambo, ngima, dzinyeledzi ni mabuthu yatshavbo nya sivangwa sa ndzadzini, si na fuviswa, ni damboni gu na fumbwa gu fanana ni lidangalila; mabutho yaye yatshavbo ma na thegela khu vbatshani gu fanana ni nyahagane nya uvha mwendro nya ndzowe.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Isaya 51:6

Khusedzani maho mu khedza ndzadzini, mu wona vbavbatshi nya mafu; ndzadzini gu na mwalalega kha nga wutshi, ni mafu nayo, ma na hagala gu fanana ni guambala. Avo va vbanyago umo, va nafa gu fanana ni dzitshuna; aholu guvbanyisa gwangu gu na simama kala gupindruga, ni gululama gwangu kha gu na thindrekiswa.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Jeremiya 51:1

Pfhumu Nungungulu a ngu ganela kharati, khuye: Wonani nya gukhenu nyi na rumela liphuvbo nya gu sasele li ta sasela litigo la Bhabhiloni, gumogo ni vavbanyi vaye.

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.