Isaya 12:6 - Bhibhiliya Nya Guage

⁶ Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 12:6 Iomraidhean Croise

Dzindzimo 132:14

A di khuye: “Owu wu na khala wulanga wangu kala gupindruga, nyi na vbaha avba, kholu owu wulanga nyi wu tsakede.

Dzindzimo 135:21

Enu mu vbanyago Siyoni dhumisani Pfhumu Nungungulu a khalago Jerusalema! Aleluya! A na dhumiswe Pfhumu Nungungulu!

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Dzindzimo 68:16

Enu sigomo nya gulaphe ngudzu, khu ginani mu girela lidiwo gigomo Nungungulu a gi hathidego gasi gu vbanyela umo? Pfhumu Nungungulu a na vbanya umo kala gupindruga.

Dzindzimo 71:22

Gasi eni nyi na gu dhumisa khu gitendre, nyi embelela gululama gwago uwe Nungungulu wangu; nyi embelela dzindzimo khu gitendre, uwe u Agidego wa Israyeli.

Dzindzimo 89:18

Kholu gitshangu nya gu hi vhikele gyomo mandzani ga Pfhumu Nungungulu, ni mufumeli wathu a gu lumba oyu a Agidego wa Israyeli!

Dzindzimo 9:11

Embelelani ga Pfhumu Nungungulu, a vbanyago Siyoni, tivisani sigiro saye vbakari nya mayigo.

Dzindzimo 99:2

Pfhumu Nungungulu khongolo Siyoni, khusegide vbatshani nya mayigo yatshavbo.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 10:24

Kholu Mune, Pfhumu Nungungulu nya Tshivba Yatshavbo a ngu ganela kharati, khuye: “Enu vathu vangu, mu vbahidego gigomoni ga Siyoni, mu nga thedwi hwanga khu Vaasiriya, ambari va gu mi veta khu lipitso, ni gu khusedza ndronga yawe kha nga idzo va mi giridego Vagipiti.

Isaya 24:14

Avo va na khusedza lito va embelela khu gutsaka; khu kotani nya wudhumo wa Pfhumu Nungungulu, na va gu womba huwa gukhugela phwani.

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 30:19

Kholu vathu va na vbanya Siyoni ni Jerusalema, gima kha va na lila gambe; mwa gu lilani avbo gwaye, khu lisine uye a na mi pwela gisiro, a mi yingisa a vbiredza gu mi ningani phindrulo.

Isaya 33:21

Kholu Pfhumu Nungungulu a na bani nari umo khu wudhumo waye, umo gu na khulunga mitsongo nya guaname, gu na goga mitsongo ni sitsongwana nya guaname; yi mwalo ngalava nya makasiya yi na vbindrago khumo, ambari ni litaro nya likhongolo, gima kha li na vbindra khumo.

Isaya 33:24

Mwalo ni moyo muvbanyi wa Jerusalema a na gukhuye: “Eni nyi ngu dwala; kholu vathu va vbanyago umo, va na ditshedzwa sighoho sawe.”

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Isaya 60:16

U na sela mahwe ya va nya mayigo, u hodza thomba ya vafumeli. Khavbo avbo, u na dziti nya gukhuwe eni kheni Pfhumu Nungungulu, kheni Muvbanyisi ni Mudzegisi wago, nya Dzitshivbe wa Jakobe.

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Ezekiyeli 35:10

Kholu mwa gu ganela, khenu: Mahundzu yaya ya mavili, ni mayigo yaya ya mavili, ma na khala yathu, ambari olu Pfhumu Nungungulu a nga bani a manegelago vbale.

Ezekiyeli 39:7

Nyi na gira lina langu nya guage li tidwa vbakari nya vathu vangu va na Israyeli, gima kha nyi na diga gambe lina langu nya guage li nyenyeziswa; ni va nya mayigo va na dziti gukhavo kheni Pfhumu Nungungulu, a Agidego wa Israyeli.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Ezekiyeli 48:8

Vbingano ni va na Judha, gukhugela phuvbo ga Khugadambo kala Muhwadambo, gipandre gegi gi na bani giri wulanga nya guage, mu na gi vega phuvbo. Mu na gu hambanisa, khu magumavili na livbandre magumi mazana (25.000) mikono, gulapha ni guanama, wu fanana ni sipandre nya thomba nya mahundzu, gukhugela Khugadambo kala Muhwadambo; nyumba nya guage yi na khala vbakari gwaye.

Hoseya 11:9

Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Sofoniya 2:5

Libango gwanu enu mu vbahidego bambe nya yiphwa, vathu va Kereta! Magana ya Pfhumu Nungungulu, ma ngu wugela enu vathu Vakhanani, litigo nya Vafilisitiya, khayo: Eni nyi na mi gupfhungumula mu khala marumbi nyambana muthu.

Zakariya 2:5

Aholu Eni, a ngu ganela Pfhumu Nungungulu, nyi na khala kha nga libhiyo nya nilo li va dzundrulugedego, eni mune kamwe nyi na khala wudhumo waye, vbakari gwaye.”

Zakariya 2:9

Wonani, eni nyi na khusa gyandza gyangu nyi va bayisa va fela gu khoziswa khu dzikhumbi dzawe. Khavbo enu mu na dzitigo gukhenu khu Pfhumu Nungungulu nya Tshivba Yatshavbo a nyi rumedego.

Mitengo 23:21

Kha gu wonegi libango ga Jakobe, gu mwalo guvivba ga vathu va Israyeli. Pfhumu Nungungulu wawe a na ni avo, a ngu kulungedwa vbakari gwawe kha nga Mufumeli wawe.

Dhewuteronome 23:15

“Khumbi ya gu thava ga mune waye, yi thavela ndrangani gwago u nga yi bweledzi u ya yi ningela ga mune waye.