Isaya 12:5 - Bhibhiliya Nya Guage

⁵ Embelelani wuzundzo ga Pfhumu Nungungulu, kholu giride silo nya sikhongolo ngudzu, tivisani esi tigoni gwatshavbo.

Isaya 12:5 Iomraidhean Croise

Dzindzimo 105:2

Embelelani dzindzimo nya gu Mu dhumise, mu pwadze sigiro saye satshavbo a giridego nya guliwugise!

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Dzindzimo 98:1

Embani ga Pfhumu Nungungulu ndzimo nya yiphya, kholu uye a ngu gira sisamadziso! Uye pade khu tshivba nya libogo laye la nyamudye, khu gyandza gyaye nya gukatege pade mayigo.

Ekisodha 15:1

Khavbo avbo, Mosi ni sanana sa na Israyeli va di emba ndzimo yeyi nya gurungudze Pfhumu Nungungulu, khavo: “Nyi na embelela ga Pfhumu Nungungulu a wonegisidego gidhumo gyaye nya gikhongolo: Rinyide phwani kavalu ni mukhileli wakone.

Ekisodha 15:21

Miriyamu a di va thulela ndzimo, khuye: “Embani ga Pfhumu Nungungulu, kholu khu lisine khongolo; mbembiside phwani kavalu ni mukhileli wakone.”

Isaya 24:14

Avo va na khusedza lito va embelela khu gutsaka; khu kotani nya wudhumo wa Pfhumu Nungungulu, na va gu womba huwa gukhugela phwani.

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 42:10

Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 42:11

Ambari giwula, ni madhoropa yaye, gumogo ni mitalala ya Kedhari, kulungelani, embelelani khu gutsaka enu vavbanyi va Sela, emani khu vbatshani nya sigomo mu kulungela;

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.