Isaya 12:4 - Bhibhiliya Nya Guage

⁴ Ga litshigu lolo, mu na embelela ndzimo yeyi, khenu: “Bongani Pfhumu Nungungulu, mu khozela lina laye, pwadzelani mayigo sigiro saye, ma tiviseni khenu, lina laye likhongolo.

Isaya 12:4 Iomraidhean Croise

1 Dzikoronika 16:8

“Bongani Pfhumu Nungungulu, mu khozela lina laye, huwelelani vbakari nya mayigo sigiro saye nya gusamadzise.

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 105:1

Bongani Pfhumu Nungungulu, lombani khu lina laye, tivisani mithumo yaye mayigoni gwatshavbo.

Dzindzimo 107:22

Mu ningeni miphaso nya dzimhamba nya gubonge, mu tivisa mithumo yaye khu gutsaka.

Dzindzimo 113:5

Khu mani a fananago ni Pfhumu Nungungulu wathu, gikhalo gyaye nya wufumu gyomo vbatshani ngudzu;

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 18:46

A na vbanye Pfhumu Nungungulu, a na rungudzwe muvhikeli wangu, a na khusedzwe Nungungulu, muvbanyisi wangu;

Dzindzimo 21:13

Khuga khu tshivba yago Pfhumu Nungungulu, ethu khu dzingoma ni dzindzimo hi na rungudza tshivba yago.

Dzindzimo 22:31

Va na tivisa gululama gwaye ga lihundzu li na velegwago, satshavbo esi Pfhumu a giridego.

Dzindzimo 34:3

Rungudzani Pfhumu Nungungulu gumogo ni eni, hi na khusedze lina laye ethu hatshavbo.

Dzindzimo 40:5

U hi girede siliwugiso nya singi, Uwe Pfhumu Nungungulu wangu, mwalo muthu a fananago ni uwe, khu makungo u giridego nya guphasedzele ethu; eni nya gu gola gu ma pwadza nyi ma tivisa, aholu ma tade ngudzu nyamba kodza ni gu sayedwa.

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 57:5

Nungungulu, wonegisa wugulu wago ndzadzini; wudhumo wago wu na fenengedze litigo latshavbo.

Dzindzimo 68:5

Nungungulu a vbanyago nyumbani gwaye nya guage, khuye babe nya dzikhulungu ni muvhikeli nya dzinoni.

Dzindzimo 73:28

Gasi eni nya gu gola gu khala vbafuvbi ni Nungungulu; uwe Pfhumu Nungungulu khuwe wuthavelo wangu, nyi na huwelela sigiro sago satshavbo.

Dzindzimo 9:11

Embelelani ga Pfhumu Nungungulu, a vbanyago Siyoni, tivisani sigiro saye vbakari nya mayigo.

Dzindzimo 96:3

Pwadzani wuzundzo waye vbakari nya mayigo, ni mithumo yaye nya guliwugise ga vathu vatshavbo.

Dzindzimo 97:9

Kholu uwe Pfhumu Nungungulu u Khusegide ngudzu vbakari nya litigo latshavbo, Uwe u Khusegide vatshani ga vanungungulu vatshavbo.

Ekisodha 15:2

Pfhumu Nungungulu khuye tshivba ni ndzimo yangu. Khuye muvbanyisi wangu. Khuye Nungungulu wangu, nyi na mu rungudza; Nungungulu wa vababe vangu; khu guralo, nyi na mu khusedza.

Ekisodha 33:19

Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.”

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 24:15

Khu guralo, dhumisani Pfhumu Nungungulu khu phuvbo ga Khugadambo, ni sidwani sa phwani, huwelelani lina la Pfhumu, Nungungulu wa Israyeli.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 33:5

Pfhumu Nungungulu a khusedzidwe, kholu a gu vbanya vbatshani ngudzu; Uye tadzide Siyoni khu lisine ni gululama.

Isaya 42:12

mu rungudza Pfhumu Nungungulu ni gu pwadza wuzundzo waye ga mayigo nya sidwa.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”