Isaya 12:3 - Bhibhiliya Nya Guage

³ Enu, na mu tade khu gutsaka, mu na ya rega mati sifefeni nya guvbanyise.

Isaya 12:3 Iomraidhean Croise

Dzindzimo 36:9

Kholu gibuga nya womi gyomo gwago; khu wenengedzo wago, hi ngu wona guwonegela.

Dzindzimo 87:7

Ni avo va embelelago ni gu hana, va na ndraga khu gutsaka, khavo: Sibuga sathu somo avbo gwago.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Isaya 41:18

Nyi na tula mitsongo malangani nya sigomo nya gulaphe, nyi pola milambo vbakari nya mikova; nyi na gira giwula gi khala matsiva nya mati, ni mafu nya gihala ma na dusa sifefe nya mati.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Ezekiyeli 47:9

Umo wu vbindrago khumo tsongo, gu na manega na ma romo mafumbo yatshavbo nya sirengo ni dzindzandzi. Kholu mati yaya ma gu goga guya iyoyo ma ya vbindrugedza mati nya yiphwa ma khala mati nya gutshambe. Gasi gwatshavbo umo wu vbindrago khumo tsongo, satshavbo si na mana womi.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Johane 1:16

Khu gutadzisega gwaye khu wuhigo, khavbo hi kodzago ethu hatshavbo, gu hakha nethu khavbo gwaye talo nya wuhigo watshavbo.

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.