Isaya 12:1 - Bhibhiliya Nya Guage

¹ Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 12:1 Iomraidhean Croise

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Joba 11:16

Uwe u na divaledwa khu wuvi u wu pwidego, u na wu alakanya basi, kha nga mati ma vbalagidego.

Joba 13:16

Nya gu gira esi, khiso si na gu nyi vbanyisago, kholu gimwalo gighohi gi na tiyago gu ema mbeli gwaye.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 71:21

U na engedzela wugulu wangu, u bwelo khavbo u nyi tangadzisa nyaluphye.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Dzindzimo 86:17

Nyi ninge giyeyedzo nya wuwadi wago, gasi va gi wone avo va nyi vengago va khale dzitshoni, kholu uwe Pfhumu Nungungulu u ngu nyi phasa ni gu nyi tangadzisa.

Dzindzimo 9:1

Nyi na gu bonga, Pfhumu Nungungulu, khu monyo wangu watshavbo, nyi na huwelela mithumo yago yatshavbo!

Isaya 10:25

Kholu ndrani nya gikhati gidugwana yi na wuga khorodza ni likhulo langu, gasi nyi va pfhungumula.”

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:1

Khu litshigu lolo, gu na embeledwa ndzimo yeyi tigoni gwa Judha, khavo: Hi na ni lidhoropa li tiyidego ngudzu, Nungungulu a na emisa guvbanyisa gu khala likhokhola ni libhiyo.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 54:7

Khu gikhati gidugwana, nyi di gu digide, aholu nyi ngu bwelo khavbo nyi gu wuyisa khu lihaladzo nya likhongolo.

Isaya 54:8

Khu gupwa likhulo, nyi gu sihede khovbe yangu khu gikhatinyana; aholu, khu wuhindzi nya gupindruge nyi na gu pwela gisiro; a ngu ganela Pfhumu Nungungulu Mudzegisi wago.

Isaya 54:9

Kha nga idzo nyi giridego gikhatini gya Nowa; avbo nyi nga sambanyago gukheni, mati nya ndrambi gima kha ma na nga langaladza gambe litigo, kharato gambe nyi sambanyide gukheni kha nyi na gu girela gambe likhulo, ambari gu gu tsayisa.

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 64:5

U ngu phasedzela wule a girago gululama na tsakide, vale va si divaligo dzindzila dzago; hi ngu wona nya gukhethu u khuvegide, kholu hi ghohide; gale na hi gu ghohela; hi na vbanyiswa, gani?

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Isaya 66:13

Kha nga mayi a tangadzisago gyanana gyaye, eni neni nyi na mi tangadzisani; mu naya tangadziswa kharato dhoropani ga Jerusalema.

Jeremiya 30:19

Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 14:20

Litshigu lolo, gu na bethwa umo nya vanyangendre nya dzikavalu gupwani: “Gilo gi agisedwego Pfhumu Nungungulu; dzikhali dzi guromo nya guphule khidzo Nyumbani ga Pfhumu Nungungulu, dzi na agiswa gu fanana ni sifugo si thumiswago vbagiluvelotunu.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Zakariya 8:11

Aholu, olu kha nyi na nga phara gambe vathu vava kha nga matshiguni ya gale, a ngu ganela Pfhumu Nungungulu nya Tshivba Yatshavbo.

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.