Isaya 11:16 - Bhibhiliya Nya Guage

¹⁶ Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 11:16 Iomraidhean Croise

Ekisodha 14:22

Sanana sa Israyeli si di bela khu vbakari nya yiphwa na yi bangide, mati ma gu gira libhiyo khu nyambade ni nyamudye gwawe.

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 19:23

Khu litshigu lolo, gu na manega ndzila nya gutshanganise litigo la Egipito ni la Asiriya, Vaasiriya va na hongola Egipito, Vagipiti navo, va na hongola Asiriya, Vagipiti ni Vaasiriya, vatshavbo va na khozela Pfhumu.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 49:11

Nyi na pola ndzila musigomoni gwangu gwatshavbo, ni sindzilana sangu nya guwegele si na lulamisedwa.

Isaya 49:12

Wonani nya gukhenu va nata khu hwindzo, vambe va nata khu Wuronga, vambe khu Pfoladambo ni vambe khu tigoni ga Sinimi.

Isaya 51:10

Ina khandri uwe u nga bangisa yiphwa, ni gu vbwisa milondrwa nya guete ngudzu, gani? Wule a nga tula ndzila khu vbakari nya yiphwa, gasi va tsemakanya vale U va tshudzisidego, gani?

Isaya 57:14

Gu na ganedwa pwani: “Polani ndzila, langaladzelani mafu, agisani ndzila mu dusa sitshunganiso ndzilani ga vathu vangu.”

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Sofoniya 2:7

Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.