Biblia Todo Logo
Bìoball air-loidhne

- Sanasan -




Isaya 11:14 - Bhibhiliya Nya Guage

14 Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Faic an caibideil Dèan lethbhreac




Isaya 11:14
30 Iomraidhean Croise  

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.


Aya khu mahungu mayelano khu Mowabhi: Khu wutshigu wumowo basi, gu di pfhungumudwa lidhoropa la Ari wa Mowabhi; khu wutshigu wumowo basi, Kiri wa Mowabhi, di pfhungumudwa gu khala giwula.


Khu guralo, Pfhumu Nungungulu a ngu ganela, khuye: “Ndrani nya myaga miraru, a gu myaga yi fananago ni ya muthu a thodwego gu yi thuma, wudhumo wa Mowabhi ni gidzemo gyaye nya gingi, wu na poyidwa; ni mitshaledwa yaye yi na bani yiri yidugwana na yiri mwalo tshivba.”


Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.


Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!


Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.


Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”


Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.


Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.


Khu guralo, Vajudha vatshavbo va nga bani vari tigoni ga Mowabhi, vbakari nya sanana sa Amoni ni Edhomi ni mambe mayigwana, na va pwide gupwani mufumeli wa Bhabhiloni tshide tigoni ga Judha gipandre nya vathu va na Israyeli, ni gu vega Gedhaliya, mwamana wa Ayikamo wa Safani, gu khala mwamangulu wa Judha;


Kholu Pfhumu Nungungulu, a ngu ganela kharati, khuye: Wonani nya gukhenu nala wa Mowabhi, a nata na gu vbuvba nga lighama, a ta mbaka vbatshani gwaye.


Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.


Wonani nala a tago khu gu vbuvba kha nga lighama, ata mbaka vbatshani ga Bhozira; khu litshigu lolo, myonyo nya dzindrena dza Edhomi yi na fanana ni monyo wa nyamayi a lumwago.


Mayelano khu Kedhari gumogo ni mifumo ya Hazori, eyi Nabhukodhonosori, mufumeli wa Bhabhiloni a mi sasedego, Pfhumu Nungungulu a ngu ganela kharati, khuye: “Khugani mu eme, mu ya dwana ni va na Kedhari, mu mbembisa ni vathu va Khugadambo.


Eni nyi na phodza ga Edhomi, khu mandza ya Israyeli, a gu vathu vangu, Israyeli a na lamula Edhomi gukhedza khidzo nyi gorogidego khidzo ni likhulo langu; va na Edhomi va na liti likhulo langu,” a ngu ganela Mune Pfhumu Nungungulu.


A na bela ni ga litigo li vbindrago yatshavbo khu wumburi, a sasela mayigo nya mangi, aholu Edhomi, Mowabhi ni vathu nya guthavisege nya sanana sa Amoni, va na vbuluga mandzani gwaye.


Litigo la Egipito li na khala marumbi, Edhomi a na vbindrugedza a khala giwula nya gihala, khu kotani nya wusaseli va nga wu girago ga va na Judha, va vbaladzide tigoni novba nyambana nandru.


gasi vathu vangu va fumela mitshaledwa ya Edhomi ni mayigo yatshavbo ma ranwago khu lina langu, a ngu ganela Pfhumu Nungungulu, a girago silo sesi.


Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.


Libango gwanu enu mu vbahidego bambe nya yiphwa, vathu va Kereta! Magana ya Pfhumu Nungungulu, ma ngu wugela enu vathu Vakhanani, litigo nya Vafilisitiya, khayo: Eni nyi na mi gupfhungumula mu khala marumbi nyambana muthu.


Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.


Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.


Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.


Nyi ngu mi embelani nya gukheni va nata nya vangi khu Khugadambo ni Muhwadambo vata khala vbamezatunu gumogo ni Abrahama, ni Isaki, ni Jakobe Mufumoni wa Ndzadzini,


Gikhati gyatshavbo va na Israyeli va nga bani na va gu yala, gu dita Vamedhiyani, Vaamaleki ni mambe mafumbo ya Khugadambo ma ta va dhumela.


Lean sinn:

Sanasan


Sanasan