Isaya 11:12 - Bhibhiliya Nya Guage

¹² A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 11:12 Iomraidhean Croise

Dzindzimo 107:3

ni vale a va tombanisidego khu mayigoni ya Wuronga ni ya Marandzi, ya Khugadambo ni ya Muhwadambo.

Dzindzimo 147:2

Pfhumu Nungungulu a ngu wusa Jerusalema, a gu tshanganisa avo va phalalegidego va Israyeli.

Dzindzimo 60:4

U ningide ngavbya avo va gu ningago githawo, gasi va vbuluga ga gighalala gya nala.

Dzindzimo 68:22

Pfhumu ganede, khuye: “Nyi na bweledza valala vanu khu tigoni ga Bhasani, nyi na va bweledza, guetani nya linene.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 49:22

A ngu ganela kharati Pfhumu Nungungulu, khuye: Wona nya gukhuwe nyi na khusedza mandza nyi ghwimba ngavbya vbakari nya mayigo; khavbo avbo, va na resa sanana sago nya madzaha khu mawogoni, iso nya vanyamahegyane, na va si vbagaride magatani gwawe.

Isaya 49:5

Gasi olu, a ngu ganela Pfhumu Nungungulu, a nyi wumbidego nyi ngari ndrani ga mayi, gu khala githumi gyaye, gasi nyi mu bweledzela Jakobe, ni gu tshanganisa Israyeli a wuya gwaye, gasi eni nyi dhumiswe mbeli ga Pfhumu Nungungulu, Uye a gu tshivba yangu.

Isaya 54:7

Khu gikhati gidugwana, nyi di gu digide, aholu nyi ngu bwelo khavbo nyi gu wuyisa khu lihaladzo nya likhongolo.

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 60:4

Khusa maho u khedzisa maphuvbo yatshavbo; vathu vatshavbo vava va ngu tombana vata avbo gwago; sanana sago si nata khu hwindzo, esi nya sagadzyana si na wuya na si wugaredwe mawogoni.

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Ezekiyeli 28:25

Mune Pfhumu Nungungulu, a ngu ganela kharati, khuye: Gikhati eni nyi na tombanisago va na Israyeli khu vbakari nya mayigo va phalalegedego umo, nyi na nonedza va na Israyeli wuwadi wangu mbeli ga mambe mayigo, khavbo avbo va na bwelela tigoni gwawe, litigo nyi li ningedego ga githumi gyangu Jakobe.

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Sofoniya 3:10

Gukhugela khisikheyi nya mitsongo ya Etiyopiya, vakhozeli vangu, a gu vathu vangu va phalalegidego, va na nyi resela miphaso.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Zakariya 8:7

Pfhumu Nungungulu nya Tshivba Yatshavbo a ngu ganela kharati, khuye: “Wonani gukhenu nyi na vbulugisa vathu vangu nyi va dusa ga mayigo ya Khugadambo ni ga mayigo ya Muhwadambo;

Johane 7:35

Vajudha va di wudzisana, khavo: “Hayini a vbwetago guhongola avbo nyamba mu mana ethu? Mwendro a gu vbweta guya patana ni ava va phalalegidego tigoni nya Vagreki, gumogo ni guya hevbudza Vagreki?

Dhewuteronome 32:26

Eni nyi di, kheni: Nyi na va phalalegisa, nyi fuvisa gialakanyiso gyawe vbakari nya vathu.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.

Gutuledwa 7:1

Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.