Isaya 11:11 - Bhibhiliya Nya Guage

¹¹ Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 11:11 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

Genesi 10:22

Sanana sa Semi khu esi: Elamo, Asuri, Arifasadi, Ludhi ni Arami.

Genesi 11:2

Aholu gu di vboha avbo va nga fulugago khu Khugadambo, va gimbila kala guya vboha panini ga Sinari, va gu vbaha umo.

Genesi 14:1

Khu matshigu yale, Amirafeli, mufumeli wa Sinari, Ariyoki, mufumeli wa Elasari, Kedhorilawomeri, mufumeli wa Elamo ni Tidali, mufumeli wa Goyimi,

Genesi 2:13

Lina nya tsongo nya wuvili wa gu ranwa pwani Giyoni wu dzuwulugelago litigo latshavbo la Kusi.

2 Dzipfhumu 17:24

Mufumeli wa Asiriya a di resa vathu va Bhabhiloni, va Kuta, va Avha, va Hamati ni va Sefarivhayimi vata khala madhoropani ya Samariya, vbawulangani gwa va na Israyeli, va dzega Samariya a khala thomba yawe, va khala madhoropani gakone.

Dzindzimo 68:22

Pfhumu ganede, khuye: “Nyi na bweledza valala vanu khu tigoni ga Bhasani, nyi na va bweledza, guetani nya linene.

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 10:9

Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 19:21

Pfhumu Nungungulu a na tidwa tigoni ga Egipito, Vagipiti va na muti Pfhumu Nungungulu litshigu lolo; avo va na mu khozela va mu girela dzimhamba nya miphaso ni miningelo nya dzimbewu, va na gira sisambanyo ga Pfhumu Nungungulu, va bwelo khavbo va si landrisa.

Isaya 19:22

Pfhumu Nungungulu a na bayisa Vagipiti. A na va bayisa bwelo khavbo a va hawulugisa; avo va na vbindrugedza va wuya ga Pfhumu Nungungulu, Uye a na hakha milombelo yawe, a va vbanyisa.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 22:6

Kholu vathu va Elamo va somide matshari na vari ni dzikareta ni vakhileli nya dzikavalu; va na Kiri, na va pharide sitshangu.

Isaya 24:15

Khu guralo, dhumisani Pfhumu Nungungulu khu phuvbo ga Khugadambo, ni sidwani sa phwani, huwelelani lina la Pfhumu, Nungungulu wa Israyeli.

Isaya 37:31

Ga vale va tshadego nya linyumba la Judha, avo va vbulugidego, va na tsitsa mikhamba mafuni, matamo yaye ma ninga mihandro;

Isaya 42:10

Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 42:12

mu rungudza Pfhumu Nungungulu ni gu pwadza wuzundzo waye ga mayigo nya sidwa.

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 49:12

Wonani nya gukhenu va nata khu hwindzo, vambe va nata khu Wuronga, vambe khu Pfoladambo ni vambe khu tigoni ga Sinimi.

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 25:25

ni vafumeli vatshavbo va Ziniri, ni vafumeli vatshavbo va Elamo ni vafumeli vatshavbo va Medhi;

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 44:1

Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Ezekiyeli 27:6

Khu miguhu ya Bhasani, va gu girede khiyo makasiya; sikhalo sago, va giride khu magwaha nya dzindzofu yi namegedzedwego khu misimbo nya pinyu wu manegago gidwani gya Seniri.

Ezekiyeli 29:14

Nyi na wuyisa Vagipiti vale va nga bani va romo wugumbini, va wuya tigoni ga Patrusi, tigoni gwawe nya mavelego; avbo va naya wumbago mufumo nyambana tshivba.

Ezekiyeli 30:14

Litigo la Patrusi, nyi na li gira marumbi, nyi na rotha nilo tigoni ga Zowani, nyi tsayisa vathu va tigoni ga Nohi.

Ezekiyeli 32:24

Elamo womo nuye vbale gumogo ni vathu vaye, na va randrede lithowo laye; vatshavbo va di songwa khu matshari. Vatshavbo va nga bani va thusedzela vathu tigoni, va relede phalani va sa hana wugwera. Va rwala dzitshoni dzawe gumogo ni vale va relelago thowoni nya vafi.

Ezekiyeli 38:8

Hwane nya matshigu nya mangi, u na ranwa; avbo gu na vbindrago myaga nya yingi, uwe u na ta dwana ni litigo li tshudzisidwego khu matshari, li patidwego khu mayigo nya mangi, vbatshani nya sigomo sa Israyeli, gikhati gyatshavbo si nga bani si khade marumbi; vathu vava, va dusidwe khu ga mayigo nya guhambanelane, gasi vatshavbo va vbanya umo khu gurula.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Dhaniyeli 11:18

Khu guralo, a na bwelela ga mayigo ya bambe nya yiphwa aya wandra wungi nya ayo, aholu, moyo nya ndruna a na degudza guvivba gwaye, gu thegela hungoni gwaye.

Dhaniyeli 8:2

Umo nya giwoniso gyangu, nyi di dzi wona na nyiri dhoropani ga Suza, gipandrengulu gya Elamo, ga giwoniso gegi, nyi diri vbafuvbi ni tsongo wa Ulayi.

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 11:11

Va na wuya khu Egipito na va gu vbuvba nga sinyoni, khu tigoni ga Asiriya, na va gu vbuvba nga matuva. Nyi ta va khadzisa nyaluphye dzindrangani gwawe; a ngu ganela Pfhumu Nungungulu.

Mikeya 7:12

Khu litshigu lolo, va nata avbo gwago vathu nya gukhugele Asiriya, kala madhoropani ma bhiyidwego khu makhokhola, gukhugela Egipito kala tsongoni wa Ewufrate, khu yiphwa kala ga yimbe yiphwa, khu gigomoni, kala ga gimbe gigomo.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Zakariya 5:11

Iyo yi di nyi hakha, khiyo: “Avo va guya wu vbahela nyumba tigoni ga Sinari, na va vbedzide gu vbaha nyumba, va na lulamisela umo wulanga waye, va wu handzega avbo.”

Zakariya 8:7

Pfhumu Nungungulu nya Tshivba Yatshavbo a ngu ganela kharati, khuye: “Wonani gukhenu nyi na vbulugisa vathu vangu nyi va dusa ga mayigo ya Khugadambo ni ga mayigo ya Muhwadambo;

Zakariya 9:2

Womo gambe vbatshani ga Hamati, gu guromo vbinganoni navo, Tiro ni Sidhoni, ambari va tadego khu guti nya guete.

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

2 Vakorinto 3:16

Aholu va gu vbindrugedza va khodwa ga Pfhumu, khavbo tshalu yi na gu funungudwago.

Dhewuteronome 9:29

“Khu guralo, khavo vathu vago ni thomba yago, u va dusidego wugumbini khu tshivba yago nya yikhongolo ni libogo lago nya wundrena.”