Isaya 11:10 - Bhibhiliya Nya Guage

¹⁰ Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 11:10 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

1 Dzikoronika 2:12

Bhowazi a velega Obhedhi; ni Obhedhi a di velega Jese.

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Dzindzimo 145:11

Va na ganela khu wudhumo nya wufumu wago, va huwelela mithumo yago nya tshivba,

Dzindzimo 149:5

Avo va khodwago va na tsake khu wudhumo wa Nungungulu, va na embelele khu gunengela na va lade vbamalawutunu gwawe.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 28:12

avbo a nga va embela, khuye: “Owu wulanga nya guhefemule, digani a hefemula uye a garadego; owu wulanga nya gupepemele”; aholu avo kha va dzina gu yingisa.

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 49:22

A ngu ganela kharati Pfhumu Nungungulu, khuye: Wona nya gukhuwe nyi na khusedza mandza nyi ghwimba ngavbya vbakari nya mayigo; khavbo avbo, va na resa sanana sago nya madzaha khu mawogoni, iso nya vanyamahegyane, na va si vbagaride magatani gwawe.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 60:3

Mayigo ma na mana wenengedzo wago, ni vafumeli va na wona gungangamela nya wuronga wago.

Isaya 60:5

Avbo u na si wonago u na nengela, monyo wago wu na ghavata khu gunengela, kholu va na resa gwago dzithomba dza sidwani, u na resedwa ni dzithomba nya mayigo.

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”

Zakariya 6:13

Uye kamwe khuye a na vbahedzago Nyumba ya Pfhumu Nungungulu, a na ambagiswa wudhumo, a gu fumela vathu na khade khu vbagikhalotunu gwaye nya wufumu, a na bhanya gumogo wuphasi nya mhamba ni wufumeli, gambe gu na manega gupwanana vbakari gwawe va vavili.

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Matewu 12:21

Va nya mayigo vatshavbo va na tumba lina laye!”

Matewu 8:11

Nyi ngu mi embelani nya gukheni va nata nya vangi khu Khugadambo ni Muhwadambo vata khala vbamezatunu gumogo ni Abrahama, ni Isaki, ni Jakobe Mufumoni wa Ndzadzini,

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Johane 12:32

Gasi eni, gikhati nyi na khusedzwago vbatshani, nyi na ndrindra vathu vatshavbo vata gwangu.”

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 28:28

“Khalani na mu gu dziti nya gukhenu Mahungu yaya nya guvbanyise hi ningwago khu Nungungulu ma tivisidwe ga va nya mayigo, gambe avo va na ma hakha.”

Vahebheru 4:1

Gitumbiso nya gubele guhefemulani hi ningwago khu Nungungulu gi nga tiyide kala na muhuno. Khu guralo, dzi woneleni, vandruye, gasi ni moyo wanu a si luzi gu mana wurendra wowo nya gubele guhefemulani momo.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”

Gutuledwa 5:5

Limwedo nya madhota yale li di nyi degudzela, khilo: “U nga lili; kholu Nghala nya lihundzu la Judha a gu Melego wa Dhavhidhe, yi pade, yi ngu kodza gu tula libhuku ni gu namula sifungo saye satshavbo nya livbandre na sivili.”