Isaya 10:6 - Bhibhiliya Nya Guage

⁶ Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 10:6 Iomraidhean Croise

2 Samuweli 22:43

Eni nyi di va tshigira kha nga kudzudzwane nyi va suga nyi va gandredzela kha nga maraga ya mu dzindzilani.

2 Dzipfhumu 18:25

Ina eni nyi di gwela wulanga wowu nyamba embedwa khu Pfhumu Nungungulu guta nyi ta wu sasela, gani? Pfhumu Nungungulu a nyi embede, khuye: Gwela ga litigo leli u ya li sasela.”

Isaya 19:17

Litigo la Judha li na thisa ga Egipito; watshavbo wule a na gu li dundrugago a na ndrendremela, khu kotani nya esi si emisidwego khu Pfhumu Nungungulu nya Tshivba Yatshavbo, khu iso a si emisidego khu kotani yawe.

Isaya 22:5

Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 49:17

Sanana sago si na wuya khu guvbiredza, gasi vale va nga gu pfhungumulago ni vambembisi vago, va na duga va hongola.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 5:29

Va gu bhonga, va gu fanana ni nghala, va na bhonga kha nga sanana nya nghala. Va na ngurura va gu mana pfimba va wu rwala va hongola, mwalo a na gu va wandrelago.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 63:3

Nyi gamede na nyiri nyenga mugighowoloni, mwalo ni moyo wa vbakari nya mayigo a nga nyi phasago, nyi va gandride na nyi vbisegide, nyi va gama na nyi tade khu likhulo; novba wawe wu di mitegedzela dzingandzu dzangu, nyi nyenyezisa dzingandzu dzangu dzatshavbo.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Isaya 7:17

Aholu Pfhumu Nungungulu a na resa gwago, vbakari ga vathu vago, gumogo ni dzindranga dza babe wago, khiyo ga mufumeli wa Asiriya, matshigu nya gu gima ma si gu manegi, gukhugela litshigu Efrayimi a nga dzi pambulago ga Judha.

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Ezekiyeli 29:20

Eni nyi mu ningide Egipito gasi gu mu tshatshazela khu tshivba yaye, khu esi uye gumogo ni masotshwa yaye va nyi giredego. A ngu ganela Mune Pfhumu Nungungulu.

Ezekiyeli 38:12

Gasi u kodza gu liphanga, u thawuludza gyandza ga marumbi olu va vbahidego vathu va nga wuyiswago khu mayigoni va nga bani va vbagedwe umo, li gu ni mitshambi nya yingi ni dzithomba, va vbanyago khu vbakari ni vbakari nya litigo.

Ezekiyeli 38:13

Sabha ni Dhedhani, ni va nya wugwewo va Tarisisi gumogo ni vamwamangulu vaye vatshavbo, mwendro dzinghala dzaye dzi na gu wudzisa khidzo: Uwe wa guta guta phanga thomba yathu, gani? U tombaniside masotshwa yago gasi guta phanga, parata ni ndralama, u dzega mitshambi ni gu wandra dzithomba dzathu, gani?

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Zakariya 10:5

Na va patane vatshavbo va na fanana ni dzindrena nyimbitunu dzi gandredzelago valala maragani ya dzindzilani; kholu Pfhumu Nungungulu womo vbakari gwawe, aholu a na thela dzitshoni vale va khiledego dzikavalu.

Matewu 15:7

Vapfhadzi! Khidzo kharati a nga profetago khidzo Isaya na gu thula enu, khuye: