Isaya 10:3 - Bhibhiliya Nya Guage

³ Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 10:3 Iomraidhean Croise

Genesi 31:1

Khavbo avbo, Jakobe a dipwa siregera sa sanana sa Laboni si nga bani si gu, khiso: “Jakobe dzegide silo satshavbo sa babe wathu, a wungedzede talo nya dzithomba dzatshavbo dzedzi khu silo sa babe wathu.”

2 Dzipfhumu 7:15

Va di khuga va landra kala tsongoni wa Joridhani, ndzilani va di wona na gu mbambamede myendra ni simbe sombo si nga dzudzugedwago khu Vaasiriya, gikhati va nga bani va tutuma; Khavbo avbo, va di resa myango vata tivisa mufumeli.

Joba 31:14

nyi na kheni ginani gikhati nyi na wugedwago khu Nungungulu? Ni gikhati a na nyi wudzisago, phindrulo muni nyi na mu ningago?

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 17:4

Khu litshigu lolo, wudhumo wa Jakobe wu na vbungudwa, a na wondra a tshala khu marambo.

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 26:14

Vathu vava, va fude, gima kha va na wuga gambe; va dzingidwe marowoni, kha va na duga khumo, kholu u va tsayiside u va mbembisa, u fuviside malina yawe va si alakanywi gambe.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 28:20

Kha nga livingo li gu, khilo: Lidawu li na rola ngudzu nyamba enela, ga oyu a golago gu dzi nawula; ni vholo wu na honga ngudzu, nyamba enela gu dzi fenengedza khuwo.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Isaya 30:5

vatshavbo va na khala dzitshoni khu vathu va vamowo va na gumba va phasa gilo, gambe kha va na va thumela ambari gu va phasa, aholu, va na basi dzitshoni ni gu poyidwa.

Isaya 30:7

Kholu Egipito, giphaso gyaye khya mahala, khidzo kharato nyi ranago Egipito kheni, Libhemba li si phasigo gilo.

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Isaya 39:3

Khavbo avbo, muprofeti Isaya a dita ga mufumeli Ezekhiya, a ta mu wudzisa, khuye: “Gasi vama vale va di khavo ginani ni gu va guta khu hayi?” Ezekhiya a di hakha, khuye: “Va guta khu ga litigo la hwindzo tigoni ga Bhabhiloni.”

Isaya 5:14

Khidzo kharato, lithowo li engedzedego gulodza magwaha li hama likana gasi gu midza wuzundzo wa Jerusalema, gumogo ni gidzemo gi girago ligwaha, ni vatshavbo va tsakago.

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Jeremiya 22:7

“Kholu nyi na gu rambela vasaseli, moyo ni moyo a na phara matshari yaye, va nata pila misimbo yago nya wumburi nya sedhari, va yi rinya niloni.”

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 9:9

Pfhumu Nungungulu a ngu ganela, khuye: “Ina kha nyi na va tsayisa khu kotani nya sihoso sesi, gani? Ina kha nyi na dzi phodzela ga litigo nya gufanane ni eli, gani?

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 9:5

Ginani mu na girago matshiguni nya mikhuwo yi vegisidwego, ni matshigu nya buzo wa Pfhumu Nungungulu, na?

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Luka 19:44

Va na gu tshigira mafuni, uwe ni sanana sago, kha va na tshiya giwindri vbatshani nya giwindri gikwawe, kholu u ngamba liti litshigu u nga holedwago khilo!”

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.