Isaya 10:21 - Bhibhiliya Nya Guage

²¹ Vale va tshadego nya lihundzu la Jakobe va na vbindrugedza vata ga Nungungulu nya tshivba.

Isaya 10:21 Iomraidhean Croise

Ezira 1:4

Ni vatshavbo vale va vbulugidego nari valuveli malangani yoyo, vathu va tigoni momo va na va phasedzele khu parata, ndralama, sombo, dzimombe ni miningelo nya guningele khu gugola Nyumbani ga Pfhumu Nungungulu, a vbanyago Jerusalema.

Isaya 19:22

Pfhumu Nungungulu a na bayisa Vagipiti. A na va bayisa bwelo khavbo a va hawulugisa; avo va na vbindrugedza va wuya ga Pfhumu Nungungulu, Uye a na hakha milombelo yawe, a va vbanyisa.

Isaya 37:31

Ga vale va tshadego nya linyumba la Judha, avo va vbulugidego, va na tsitsa mikhamba mafuni, matamo yaye ma ninga mihandro;

Isaya 46:3

Nyi yingiseni, enu sanana sa Jakobe ni mitshaledwa yatshavbo nya lihundzu la Israyeli; enu nyi mi wugaredego khu mawogo gukhugela ndrani ga mayi wanu, kala mu velegwa.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 59:20

Mutshudzisi a nata Siyoni, ni ga va na Jakobe va na gu vbindrugedzago va dzi laya khu sighoho sawe, a ngu ganela Pfhumu Nungungulu.

Isaya 7:3

Pfhumu Nungungulu a di embela Isaya, khuye: “Olu duga gumogo ni mwanago Seyari-Yasube u khinga Akazi, u naya mu mana mahegiso nya sele nya litsiva li guromo Ndzilani nya lithembwe la Muhandzi,

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Hoseya 7:10

Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.