Isaya 10:2 - Bhibhiliya Nya Guage

² gasi gu tsulupetela dzifanelo nya sisiwana, va bela sisiwana sa tigoni gwangu, gasi dzinoni dzi khala pfimba wawe, va phanga avo va fedwego khu vavelegi!

Isaya 10:2 Iomraidhean Croise

Joba 31:16

Nya gu bani nyi bombide gu ninga giphaso gisiwana, ni gu mwendro na nyi digide noni kala yi fuvila maho khu gulila;

Dzindzimo 94:6

Va gu songa valuveli; va songa dzi noni ni dzikhulungu.

Ekisodha 23:6

U nga wegedzi mahungu ma lulamidego ya gisiwana gyanu huwoni nya gulamule mahungu.

Mavingu 22:22

U nga phangi gisiwana silo saye, kholu gi gu gisiwana, ni mugulamulani nya mahungu, u nga tsayisi uye a gu mwalo gilo,

Mavingu 30:14

Vomo vathu vale magwaha yawe a gu matshari ni dzindzarara dzawe nya mwagwaha, a gu migala, gasi gu vbedza khayo sisiwana mafuni ni vale va hamugago gilo vbakari nya vathu.

Isaya 1:17

Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 5:23

Libango ga vale va dzumelago gu rengeledwa, gasi gutshula muthu a gu ni nandru, va bomba gu emela muthu nya gululame!

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Isaya 59:15

Gumwalo lisine, uye a digago gu gira iso nya guvivbe a gu phangwa. Pfhumu Nungungulu a si wone isoso a vbisega khiso, kholu gu diri mwalo gululama.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Gililo 3:35

gu hambanisa dzifanelo dza muthu mbeli gwa Uye a khusegidego ngudzu,

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Mikeya 3:1

Nyi di engedza nyi ganela, kheni: Yingisani enu mu gu vathangeli va Jakobe, ni enu vafumeli nya ndranga ya Israyeli; ina khandri enu mu yelago guti gululama, gani?

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.