Isaya 10:18 - Bhibhiliya Nya Guage

¹⁸ A na mbembisa gambe wumburi nya likhabi laye ni wa thembweni gwaye, wu vbela hefemulo ni givili; gu na gira kha nga mudwali afago khu guvbela tshivba.

Isaya 10:18 Iomraidhean Croise

2 Dzipfhumu 19:23

Khu magana nya myango yago u tsorodzede Pfhumu Nungungulu, u ganela, khuwe: Ni gutala nya dzikareta dzangu, nyi ngu gwela dzitshokhani nya sigomo, vbatshani nya dzitshokha nya sigomo sa Libhanoni, nyi ya pila misimbo yaye nya gulaphe nya sedhari, ni migure yaye nya wumburi, ni mahegiso nya malanga yaye, nyi bela kala mahegiso nya sihuru sa Thembweni gwaye nya wumburi.

2 Dzipfhumu 19:28

Khu kotani nya olu u gu ni likhulo ngudzu khu eni, kholu gu nyi wugela gwago, gu litide kala dzindzeveni gwangu khu guralo, nyi na gu thela khalo dzithonvuni gwago, ni matamo kanani gwago, nyi bwelo khavbo nyi gu bweledza khu ndzila u dzudego khiyo.”

Isaya 10:16

Khu guralo, Pfhumu Nungungulu nya Tshivba Yatshavbo, a na rumela tungu ga vathu, wu ta wondrisa sitetema satshavbo sa Asiriya; vbavbatshi nya thomba yawe wu na dzura nilo, kha nga uye a vbiswago khu nilo.

Isaya 32:19

gu thega maralala, ma hagadza likhabi, lidhoropa li na pfhungumudwa latshavbo.

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.