Isaya 10:13 - Bhibhiliya Nya Guage

¹³ “kholu mufumeli a di ganela, khuye: Nyi giride isoso khu tshivba nya mandza yangu, ni wugengeli wangu, kholu nyi na ni mapimo. Nyi dusede mivbingano nya mayigo, bwelo khavbo nyi wandra dzithomba dzawe, nyi theside vatshavbo va nga bani va khala sikhaloni nya wufumu, khu wurena wangu.

Isaya 10:13 Iomraidhean Croise

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 16:8

Akazi a di dzega ndralama ni parata, si nga bani si romo Nyumbani ga Pfhumu Nungungulu ni nyumbani nya dzithomba dza ndrangani ga mufumeli, a gira sagwati, a rumela ga mufumeli wa Asiriya.

2 Dzipfhumu 17:24

Mufumeli wa Asiriya a di resa vathu va Bhabhiloni, va Kuta, va Avha, va Hamati ni va Sefarivhayimi vata khala madhoropani ya Samariya, vbawulangani gwa va na Israyeli, va dzega Samariya a khala thomba yawe, va khala madhoropani gakone.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

2 Dzipfhumu 18:11

Mufumeli wa Asiriya, a di vbagela va na Israyeli a va yisa Asiriya, aya va vega va vbaha Hala ni Habhori vbafuvbi ni tsongo wa Gozani ni madhoropani ya Vamedhi.

2 Dzipfhumu 18:15

Khu kharati, Ezekhiya a di ningela parata yatshavbo yi nga bani yi romo Nyumbani ga Pfhumu Nungungulu, ni nyumbani nya guvegedzedwe thomba ya mufumeli.

2 Dzipfhumu 18:32

Kala nyi ta mi dusani nyi mi yisa ga litigo nya gufanane neli lanu; litigo nya tirigu ni vbinyu; litigo nya sibaba ni marembwe; litigo nya miolivha ni mafura ni wulombe, gasi mu fela guvbanya mu sifi; mu nga yingiseni Ezekhiya, kholu a ngu mi pfhadza, khuye: Pfhumu Nungungulu a na hi vbanyisa.

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

Mavingu 28:11

Muthu nya gitetema a gu pimisa gukhuye gengede, aholu, gisiwana nya gugengele gi ngu mu wona na si pimi gilo.

Isaya 10:8

Kholu uye a di wudzisa, khuye: “Ina vafumeli vatshavbo khandri dzindruna dzangu, gani?

Isaya 5:21

Libango ga vale va dzi wonago na va gengede ngudzu, va pimisago gukhavo va gengede ngudzu!

Jeremiya 46:8

Egipito a gu gugumuga a fanana ni tsongo wa Nilo, mati yaye ma gu goga nga mitsongo, a ganela, khuye: “Nyi na gugumuga nyi fenengedza litigo, nyi na khungumula lidhoropa ni vatshavbo va vbanyago umo.

Jeremiya 48:14

Mwa gu ganela kharini mu gukhenu: “Ethu hi dzi ndrena ni vathu nya tshivba nya gudwane nyimbi?”

Ezekiyeli 25:3

Yingisani magana ya Mune Pfhumu Nungungulu. Mune Pfhumu Nungungulu a ngu ganela kharati, khuye: Kha nga mu ganedego, khenu: Khavbo gwadi! Gikhati yi nyenyezisidwego Nyumba yangu nya miphaso, mayelano khu litigo la Israyeli, gikhati li nga khungumudwago, ni gikhati litigo la Judha li nga yiswa wugumbini,

Ezekiyeli 26:2

“Mwamana wa muthu, Kha nga olu Tiro a ganedego khu Jerusalema, khuye: Khavbo gwadi! Nyangwa ya va nya mayigo, yi khungumudwe, nyi tuledwe; nyi khala gitetema kholu yi khungumudwego,

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.

Amosi 6:13

Enu mu tsakelago iso nyamba phasa gilo, mu ganela, khenu: Ina khandri tshivba yathu hi nga pala khiyo, gani?

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Habhakuka 2:6

Vatshavbo vava va modwego, mindru ga litshigu kha va na nga diga gu mu yuyutela ni gu mu hega, va ganela, khavo: Libango ga wule a wungedzelago dzithomba nya gubidwe ni gu khala gitetema khu gu livbisa vakwawe! Kala lini na wu gu simama gu gira kharati?

Dhewuteronome 8:17

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.

Valamuli 7:2

Pfhumu Nungungulu a di embela Gidhiyoni, khuye: “Uwe u na ni vathu nya vangi ngudzu gasi gu eni nyi ningela Vamedhiyani mandzani gwago; gasi va na Israyeli va si dzi khusedzi gwangu, va ganela, khavo: Va di vbulugiswa khu tshivba yawe.