Isaya 10:12 - Bhibhiliya Nya Guage

¹² Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 10:12 Iomraidhean Croise

2 Dzipfhumu 19:31

Kholu khu Jerusalema gu na duga mitshaledwa, gasi khu gigomoni gya Siyoni gu duga avo va vbulugidego; isoso si na girega khu kotani nya gukhathale nya idzo a khathalago khidzo Pfhumu Nungungulu.

Dzindzimo 18:27

Kholu uwe wa gu vbanyisa sisiwana u tshisa vbavbatshi va nya matshandza.

Dzindzimo 21:10

A na fuvisa livelego lawe mafuni, a fuvisa situgulwana sawe vbakari nya vathu.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Dzindzimo 76:5

Dzindrena dzawe dzi wandredwe matshari; va nya tshivba kha va dzi kodza gu gira gilo. Olu va lade ligovbe nya mahegiso, yi mwalo ndrena ni mweyo yi nga tshalago, gasi gu thumisa matshari yawe.

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 30:13

vale maho yawe ma khusegidego ni dzitshi dzawe dzi laphidego.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Isaya 27:7

Ina kamwe Pfhumu Nungungulu vetide Israyeli, kha nga idzo a vetidego khidzo avo va nga mu vetago, gani? Mwendro uye a va songide kha nga idzo a songidego khidzo avo va mu songidego, gani?

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Isaya 5:15

Vathu vatshavbo va na theswa vbavbatshi, va nya guthavisega va na hembuludwa, ni maho ya vale va dzi khusedzago, ma na thedwa dzitshoni.

Isaya 50:11

Gasi enu mu khuthago nilo, ni gu wu furugedzela gasi wu khondre, mu na thegela umo nya malavbelavbe nya nilo mu wu khondrisidego mwabune, mu vbiswa khu dzitshahe nya gukhondre dzi pirigago, isoso si nata khu gu rumedwa khu gyandza gyangu, mu nafa khu tshanisa nya yikhongolo.

Isaya 65:7

Pfhumu Nungungulu a ngu ganela kharati, khuye: Khu guvivba gwanu, gumogo nugo ga vababe vanu, va vbisidego libani sigomoni, va nyi vala na vari musigomwanani; khu guralo, nyi na simama gu pima mithumo yawe ya gale vbakari gwawe.”

Isaya 9:9

Vathu vava vatshavbo va na mati, Efrayimi gumogo ni vavbanyi va Samariya, avo va ganelago khu matshandza ni gu dzi khusedza, khavo:

Jeremiya 25:29

Wonani nya gukhenu nya gu phela khu gu tsayisa dhoropani mule gu ranwago khu lina langu; ina enu mu na digwa nyamba tsayiswani, gani? Ahihi, kha mu na vbuluga gilo, kholu nyi womo vbafuvbi ni gu resa dzinyimbi dzi ta sasela vathu vatshavbo va tigoni, a ngu ganela Pfhumu Nungungulu nya Tshivba Yatshavbo.

Jeremiya 50:18

Khu guralo, a ngu ganela kharati Pfhumu Nungungulu nya Tshivba Yatshavbo, Nungungulu wa Israyeli, khuye: Wonani, nyi na tsayisa mufumeli wa Bhabhiloni ni litigo laye, kha nga idzo nyi tsayisidego khidzo mufumeli wa Asiriya.

Jeremiya 50:32

Matshandza yago ma na gu tshunganisa u thega nyamba mana wago nya gu gu wuse. “Nyi na khondrisa nilo madhoropani gwago, si dagarela satshavbo si guromo umo.”

Ezekiyeli 31:10

Khu guralo, Pfhumu Nungungulu a ngu ganela kharati, khuye: Kha nga olu uwo wu nga lapha ngudzu, dzitshokha nya matamo yaye dzi kuha mapfhi, wu tala khu matshandza khu kotani nya wukhongolo waye,

Ezekiyeli 31:14

Khu guralo, mwalo ni simbo moyo wu guromo vbafuvbi ni mati wu na dzi khusedzago khu kotani nya gulaphe gwaye, ambari gu khusedza dzitshoka dzaye vbakari nya matamo ya mapfhini. Mwalo wumbe simbo nya gutheledzedwe gwadi a na vbohago ga giyemo gyogyo; kholu yatshavbo yi vegisedwe guya gufani, yi na relela phalani nya vafi, gumogo ni vathu vafago, avo va relelago thowoni.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Mitengo 24:24

Valala va nata khu mataro khu Kitimi; va nata khozisa Asuri, va mbembisa gambe Ebheri; aholu avo navo va na mbembiswa.

Matewu 12:33

“Kha nga mu dzitigo, simbo nya wadi wa gu velega mihandro nya yadi; gasi uye nyambasi wadi wa gu velega mihandro nyamba yadi. Khu kharato, simbo wa gu tidwa khu mihandro yaye.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?