Isaya 1:6 - Bhibhiliya Nya Guage

⁶ Gukhugela migondroni kala hungoni gu mwalo ni wulanga wu vbanyago gwadi, givili gyatshavbo sithunya, dzimbanga ni silondra nyamba handzwa ambari gu hungeledwa, mwendro gu nyegiswa khu mafura.

Isaya 1:6 Iomraidhean Croise

2 Samuweli 14:25

Khu guralo, tigoni gwatshavbo gwa Israyeli, a diri mwalo muthu a nga bani nari ni wudhumo khu wumburi kha nga Abhisalamo; gukhugela migondroni kala hungoni gwaye, a di khalegide nyamba wegela.

Joba 5:18

Kholu uye a ngu thela dzimbanga, bwelo khavbo a dzi hungelela; Uye a ngu bayisa, aholu mandza yaye ma vbodzisa.

Dzindzimo 77:2

Litshigu nya wuvi, nya gu vbweta Pfhumu; vbakari nya wutshigu, nya gu khusedza mandza nyi lombelela nyamba garala; aholu hefemulo wangu kha wu mani gu tangadziswa.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 30:12

Pfhumu Nungungulu a ngu ganela kharati, khuye: “Mbanga yago yikhongolo, kha yi vboli ni gilondra gyago khya gimange.

Jeremiya 30:15

Khu ginani u wombago huwa khu kotani nya gilondra gyago? Madwali yago kha ma halawugi. Khu kotani nya wuvivbi wago nya wukhongolo ni gutala nya sighoho sago, nyi gu girede silo sesi.

Jeremiya 33:6

Nyi na hungelela silondra sawe, nyi va vbodzisa ni gu va vbanyisa, nyi bwelo khavbo nyi va ninga gurula nya gungi ni lisine.

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 6:7

Wuvivbi waye wa gu fanana ni nambo wu dusago mati. Ilo nilo la gu dusa wuvivbi. Khiyo gwaye gupwala basi mayunga ni gupfhungumula; mbeli gwangu gikhati gyatshavbo nya gu wona basi wuvi ni silondra.

Nahume 3:19

Gilondra gyago kha gi na vbola, gilondra nya gufe khigyo; vatshavbo va na pwago ndruma yago, va na khwakhwathela mandza khu gu thega gwago, kholu khu mani a nga kiyelago gutshaniswa khu wuvivbi wago?

Matewu 9:12

Jesu, na va pwide, a di va kawuka, khuye: “Khandri vale va gu ni womi va vbwetago nyanga, aholu, vadwali.

Luka 10:34

a gu hidzimela, a mu thela mafura ni wadwa dziphandzani, a gu dzi hungelela. Khavbo avbo, a di mu khiledza vbaburutunu gwaye, a mu yisa ndrangani nya vaendri; a mu sayisa.