Isaya 1:5 - Bhibhiliya Nya Guage

⁵ Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 1:5 Iomraidhean Croise

2 Dzipfhumu 1:13

Mufumeli a di rumela gambe khu nyondro nya wuraru mumbe muthangeli nya livbandre magumi ni livbandre magumi vama, avbo uye a nga ya khidzima mbeli ga Eliya a mu lomba, khuye: “Muthu wa Nungungulu, vbanyisa womi wangu, ni wa vathu vava nya sithumi sago nya livbandre magumi.

2 Dzikoronika 28:22

Ambari ulo a nga bani a gu vbanya gutshanisekani, Akazi a di simama gu ghohela Pfhumu Nungungulu.

Nehemiya 9:34

Vafumeli vathu, vathangeli vathu, vaphasi vathu nya mhamba ni vavelegi vathu, kha va landrisa nayo wago ni sileletelo U va ningidego, esi Uwe u nga va khongotela gu si gira.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Isaya 33:24

Mwalo ni moyo muvbanyi wa Jerusalema a na gukhuye: “Eni nyi ngu dwala; kholu vathu va vbanyago umo, va na ditshedzwa sighoho sawe.”

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 44:15

Khavbo avbo, vama vatshavbo va nga bani va dziti nya gukhavo vagadzi vawe va ngu vbisela libani vambe vanungungulu, ni vanyamayi vatshavbo va nga bani varomo vbale, ni gidzemo gyatshavbo nya vathu va nga bani va vbanya tigoni ga Egipito, gipandre gya Patrosi, va di phindrula Jeremiya, khavo:

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Gililo 5:17

Myonyo yathu yi tade khu wuvi, maho yathu ma tade khu marongo.

Ezekiyeli 24:13

Ndzilo yoyo khu mithumo yago nya gunyenyeze; eni nyi zamide gu gu agisa, aholu khwa dzina gu agiswa, uwe gima khu na agiswa gambe gunyenyeza gwago, na li si gu vbeli likhulo langu avbo gwago.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 34:4

Iyo nya gumbana tshivba kha wa yi tiyisa, iyo yi dwalago, khwa yi hawulugisa, ni gu hungelela silondra iyo yi nga bayiswago. Idzo dzi nga pambugago, kha mwa dzi wuyisa, ambari idzo dzi dzimedego kha mwa dzi landra. Aholu mwa gu dzi fumela khu tshivba ni dzihanyi.