Isaya 1:4 - Bhibhiliya Nya Guage

⁴ Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 1:4 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

2 Dzipfhumu 21:22

A di pfhurarela Pfhumu Nungungulu wa vababe vaye, a si gimbili khu dzindzila dza Pfhumu Nungungulu.

2 Dzikoronika 12:1

Robhowamo hwane nya gu bani na tiyiside mufumo waye, ni gu dzipwa na khadzisegide, a di diga nayo wa Pfhumu Nungungulu, uye gumogo ni va na Israyeli vatshavbo.

2 Dzikoronika 27:2

Uye a diri muthu nya gululame mbeli ga Pfhumu Nungungulu, a di landrisa iso a nga girago babe waye Uziya, aholu uye kha nga bela Nyumbani ga Pfhumu Nungungulu. Ambari khu kharato, vathu va di simama gu thuma mithumo nya guvivbe.

Nehemiya 1:7

Hi gu hosede ngudzu khu gumba landrisa sileletelo, milayo ni sirumo u nga leletelago githumi gyago Mosi.

Dzindzimo 58:3

Va nya guvivba va gu ghoheka va ngari ndrani, va nya malipha va dzimede va si gu velegwi.

Dzindzimo 71:22

Gasi eni nyi na gu dhumisa khu gitendre, nyi embelela gululama gwago uwe Nungungulu wangu; nyi embelela dzindzimo khu gitendre, uwe u Agidego wa Israyeli.

Dzindzimo 78:40

Dzinyondro dzingani va nga wugelago Nungungulu mugiwulani va mu pwisa wuvi tigoni mule nya gihala!

Dzindzimo 78:41

Gikhati nya gingi khegi va nga linga Nungungulu, va gorogisa oyu a Agidego wa Israyeli.

Dzindzimo 78:57

Kha va tumbega, va di mu wugela, kha nga vababe vawe, va di penga kha nga giholoma, nya gukhwandrwe khu wulaho nya guwegele.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Dzindzimo 89:18

Kholu gitshangu nya gu hi vhikele gyomo mandzani ga Pfhumu Nungungulu, ni mufumeli wathu a gu lumba oyu a Agidego wa Israyeli!

Ekisodha 32:7

Khavbo avbo, Pfhumu Nungungulu a di embela Mosi, khuye: “Vbiredza, u relela! Kholu vathu vago, avo u nga va dusago tigoni ga Egipito va ghohide.”

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 1:28

Aholu, va nya guvivbedwa khu myonyo ni sighohi, va na pfhungumudwa gumogo vatshavbo; avo va pfhurarelago Pfhumu Nungungulu, va na mbembiswa.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 14:20

Khu na dzingwa navo, kholu u sasede litigo lawe u songa vathu vawe. Livelego la va nya guvivba, gima kha li na alakanywa gambe.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 30:15

Kholu Mune, Pfhumu Nungungulu, Nyaguage wa Israyeli, a ngu ganela kharati, khuye: “Mwa gu vbindrugedza mu dzi rudzisa mu wuya eno gwangu, mu nata mana guvbanya; tshivba yanu yi di hadza gu mana gutangala ni gitumbo, aholu enu kha mwa dzumela, mu di bomba.”

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 31:2

Khu guralo, uye gengede, a na va rumela libango, a gu ganela magana yaye kha bweleli hwane. Uye a na wugela nyumba ya va nya guvivba, ni avo va phasedzelago vathu nya guvivbedwe khu monyo.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 41:20

Gasi vathu vatshavbo va na wona ni gu dziti, va khala na va gu pima gukhavo, khu Pfhumu Nungungulu a giridego satshavbo sesi, khuye Nyaguage wa Israyeli a si vangidego.

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Isaya 65:3

Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 2:33

Wa gu vbweta ndzila nya lihaladzo khu gugengela! Kholu ambari vanyamayi nya maphuphulu u va hevbudzide mavbanyelo yago nyamba si yadi.

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Jeremiya 32:32

Khu wuvivbi watshavbo wowu va wu giridego va na Israyeli ni va na Judha, va nyi wusede likhulo langu, avo gumogo ni vafumeli vawe, manganagana, vaphasi nya mhamba ni vaprofeti vawe, kha nga gambe ni vathu vatshavbo va Judha gumogo ni vavbanyi va Jerusalema.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 51:5

kholu Israyeli ni Judha kha va digwa khu Nungungulu wawe, ni Pfhumu Nungungulu nya Tshivba Yatshavbo ambari litigo la Vabhabhiloni li tadego khu sighoho nya gu ghohele Gihathwa gya Israyeli.

Jeremiya 7:19

Ina va gu pwisa eni wuvi, gani? A ngu ganela Pfhumu Nungungulu, va gu dzi pwisa vabune wuvi, va dzi thela dzitshoni dzikhovbeni gwawe.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Ezekiyeli 16:33

Maphuphulu yatshavbo ma gu vbweta dzitsapawu, aholu uwe wa gu ninga siningwa sibhayi sago satshavbo, u va pfuvela gasi vate gwago khu maphuvbo yatshavbo va ta bhaya nago.

Ezekiyeli 16:45

Uwe khu lisine u gyanana gya mayime wule, a nga diga mwama waye ni sanana saye; uwe u ngu fanana ni vandriyago nya vanyamayi va digidego navo vama vawe ni sanana sawe. Mayime wanu, a diri Muhiti ni babe wanu a diri Muamori.

Dhaniyeli 9:11

Ina, vatshavbo va na Israyeli va ndragide nayo wago, va ndreya ndzilani, va yeyisa va si vbweti gu yingisa. Khu kotani nya isoso hi thegedwe khu libango, mitungu yi nga lowago Nayo ga Mosi, githumi gya Nungungulu, yi thegede vbatshani gwathu, kholu hi gu ghohede.

Sofoniya 1:6

ni vale va ndreyago va diga gu landra Pfhumu Nungungulu, vale va si theligo kotani khu Uye, ambari gu mu wudzisa wusingalagadzi.

Mitengo 32:14

Olu enu nenu mwa gu vbweta gu dzega wulanga wa vababe vanu mu khala gitugulwana nya sighohi, mu engedzela likhulo la Pfhumu Nungungulu vbakari ga va na Israyeli.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?

Dhewuteronome 29:25

va hongola va ya thumela vambe vanungungulu ni gu va khozela; vanungungulu va ngamba vati, avo va ngamba ningwa gu khala thomba yawe.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 32:19

Pfhumu Nungungulu a si wonide a gu goroga, a mu diga, na gu goroswa khu sanana sawe nya sikhwathana niso nya sagadzyana.

Dhewuteronome 32:5

Si Mu ghohede, sanana Saye nya guwegele, khu guralo kha muri sanana saye, aholu mu gilo gyaye, nya gunyenyeze; gitugulwana nya guwegele ni malipha.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Gutuledwa 18:5

Kholu sighoho saye si wungedzelane kala si ya ghuma damboni, gambe Nungungulu dundrugide mithumo yaye nyambasi yadi.

Valamuli 10:10

Khavbo avbo, va na Israyeli va di lila ga Pfhumu Nungungulu va ganela, khavo: “Hi gu ghohede uwe, kholu hi digide Nungungulu wathu, hi khozela Vabhahali.”