Isaya 1:30 - Bhibhiliya Nya Guage

³⁰ Mu na khala kha nga nguhu, mahagane yaye ma wunago, gu fanana ni likhabi nyambana mati.

Isaya 1:30 Iomraidhean Croise

Genesi 12:6

Abrama a di li tsemakanya khu vbakari ni vbakari kala a vboha dhoropani gwa Sikemi, vbafuvbi ni simbo nya wukhongolo wa Moreya. Vakhanani va di gu vbanya tigoni mule.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Isaya 64:5

U ngu phasedzela wule a girago gululama na tsakide, vale va si divaligo dzindzila dzago; hi ngu wona nya gukhethu u khuvegide, kholu hi ghohide; gale na hi gu ghohela; hi na vbanyiswa, gani?

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Ezekiyeli 17:24

Misimbo yatshavbo ya khabini yi na nyiti gukhiyo kheni Pfhumu Nungungulu, nyi na thesa simbo nya gulaphe ngudzu, nyi dandrisa ngudzu simbo nya gurole. Nyi ngu bangisa simbo nya gunyuge, nyi thela senge ga simbo nya gubange. Eni Pfhumu Nungungulu nyi ganede, gambe nyi na si thuma.

Matewu 21:19

Na wonide nguyu vbafuvbi ni ndzila, a di hidzimela aholu khaya mana gilo, a di ya mana mahagane basi. Khavbo avbo, a di khuye: “Gima khu na nga velega gambe mihandro kala gupindruga!” Wu di dzegela gu banga.