Isaya 1:29 - Bhibhiliya Nya Guage

²⁹ Mu na khala dzitshoni khu kotani nya miguhu yi nga bani yi mi tsakisa, mu thedwa dzitshoni khu marembwe mu ma hathidego.

Isaya 1:29 Iomraidhean Croise

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 31:7

Kholu, khu litshigu lolo, muthu ni muthu a na dzudzuga sifananiso saye nya parata niso nya ndralama, esi mu si giridego khu mandza yanu, gasi gu dzi ghohisa khiso.

Isaya 42:17

Va na lundrwa, va bwelela hwane na va tade khu dzitshoni, avo va tumbago sifananiso nya guvatwe, khavo: Enu khenu vanungungulu vathu.

Isaya 45:16

Vatshavbo va vatago sifananiso, va na khala dzitshoni va hambanega mapimo.

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Isaya 65:3

Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;

Isaya 66:17

A na mbembisa vatshavbo avo va dzi agisago ni gu dzi handza, gasi gu bela mahangeni va landrisela nungungulu nya nyamayi a guromo khu vbakari, va hodzago nyama nya khumba, ni silo nya gunyenyeze ni magondzo.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Ezekiyeli 6:13

Va na nyiti gukhavo kheni Pfhumu Nungungulu, gikhati sirumbi sa vathu vawe si na gu mbambamelago vbakari nya sifananiso sawe, ni bambe nya siluvelo sawe, ni musigigomoni gwatshavbo ni dzitshokhani gwatshavbo nya sigigomwana, vbavbatshi nya misimbo yatshavbo nya gunyuge, ni ga miguhu yatshavbo nya guaname, ni malangani yatshavbo va nga bani va gu vbisela umo libani sifananiso sawe nya vanungungulu.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Hoseya 4:13

Va olovede guphasela dzitshokhani nya sigomo, va vbisa mabani musigomwanani, vbavbatshi nya misimbo nya miguhu, mikandzu ni mikanyi kholu mitsa yakone kyadi. Khu guralo sanana sanu nya vanyamahegyane si ngu khala maphuphulu, ni vagadzamwane vanu va ngu bhaya.

Hoseya 4:19

Va ghubhudwe mambapini gwawe khu phuvbo nya gipupwane va yiswa hwindzo, va na khala dzitshoni khu kotani nya miphaso yawe.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.