Isaya 1:26 - Bhibhiliya Nya Guage

²⁶ Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Isaya 1:26 Iomraidhean Croise

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 33:5

Pfhumu Nungungulu a khusedzidwe, kholu a gu vbanya vbatshani ngudzu; Uye tadzide Siyoni khu lisine ni gululama.

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Ezekiyeli 45:8

“Litigo leli li na bani liri thomba yaye tigoni ga Israyeli; vafumeli vangu gima kha va na nga tshanisa gambe vathu vangu; gambe, va na kabanisela litigo ga va na Israyeli, gukhedza khu lihundzu lawe.”

Mikeya 4:8

Uwe likhokhola nya tshambi, gigomo nya lidhoropa la Siyoni, avbo gwago wu nata wufumu nya guhegule, a gu mufumo wa nyamahegyane wa Jerusalema.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Sofoniya 3:9

Khu kharato, nyi na agisa magana nya mayigo, gasi vathu vatshavbo va kodze gu rana lina la Pfhumu Nungungulu, ni gu mu thumela khu monyo moyo.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Mitengo 12:3

Aholu Mosi a diri muthu nya gurule ngudzu, guvbindra vathu vatshavbo va mafuni.

Mitengo 16:15

Mosi a di swireka ngudzu a embela Pfhumu Nungungulu, khuye: “U nga dzumeli gu hakha miningelo yawe! Eni gima kha nya va dzegela giburwana gyawe ambari gu gira guvivba ga moyo wawe.”

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.