Isaya 1:22 - Bhibhiliya Nya Guage

²² Parata yago yi pfhurede khandri ya gilo, ni vbinyu yago, yi vbindrugedzide yi khala huto.

Isaya 1:22 Iomraidhean Croise

Dzindzimo 119:119

Va nya guvivba vatshavbo va tigoni wa gu va wona nari ndzilo, Khu guralo, eni nyi ngu gola sileletelo sago.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Hoseya 4:18

Va gu vbedza gu sela wadwa, va gu dzi ningedzela mu wubhayini; vathangeli vawe va di gola ngudzu dzindzila dzi thelago dzitshoni.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

2 Vakorinto 2:17

Khu guralo ethu kha hi giri nga vambe va nya gutala va girago wugwewo khu mahungu ya Nungungulu. Aholu, nga sithumi sa Nungungulu, ha gu tshumayela khu Kristo, myonyo yathu na yi agide mahoni gwa Nungungulu.