Isaya 1:21 - Bhibhiliya Nya Guage

²¹ Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 1:21 Iomraidhean Croise

2 Samuweli 8:15

Dhavhidhe a di fumela litigo latshavbo la Israyeli, a lamula ni gu lulamisa mahungu ya vathu vatshavbo.

2 Dzikoronika 19:9

A di va ninga sileletelo sesi, khuye: Gimbilani kharati khu gu ninga githawo Pfhumu Nungungulu, mu tumbega khu monyo wanu watshavbo.

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Dzindzimo 46:4

Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 48:8

Kha nga hi pwidego, hi si wone gambe kharato dhoropani ga Pfhumu Nungungulu nya Tshivba Yatshavbo, dhoropani ga Nungungulu wathu. Nungungulu a li tiyisidego kala gupindruga.

Isaya 1:22

Parata yago yi pfhurede khandri ya gilo, ni vbinyu yago, yi vbindrugedzide yi khala huto.

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Isaya 59:14

Kholu nayo wu thavide, ni gululama gu hidzimede hwindzo; lisine li thegede mitendrelani, ni gululama kha gu dzi kodzi gubela umo.

Isaya 59:15

Gumwalo lisine, uye a digago gu gira iso nya guvivbe a gu phangwa. Pfhumu Nungungulu a si wone isoso a vbisega khiso, kholu gu diri mwalo gululama.

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 2:5

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Habhakuka 1:4

Khu guralo, gumwalo gambe nayo, kha gu nga gu lamudwa khu lisine, kholu va nya guvivbedwa khu monyo, va gu khingeledzela muthu nya gululame, khu guralo, mahungu ma gu wegedzwa, ma si gimbidziswi khu lisine.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

Gutuledwa 11:8

Sirumbi sawe si na khala tshandzala mudzindzilani nya lidhoropa likhongolo, li ranwago khu gipimaniso pwani Sodhoma ni Egipito, umo gambe Pfhumu yawe yi nga khokhothedwago umo.

Gutuledwa 17:1

Yi dita ngilozi mweyo nya dzile nya livbandre na dzimbili dzi nga bani dzi pharide livbandre na sivili sikombe, yita ganela ni eni, khiyo: “Delu eno, nyi gu nonedza gu lamudwa nya gibhayi gikhongolo gi khalago wubambe nya mati nya linene,