Isaya 1:2 - Bhibhiliya Nya Guage

² Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 1:2 Iomraidhean Croise

2 Dzipfhumu 21:22

A di pfhurarela Pfhumu Nungungulu wa vababe vaye, a si gimbili khu dzindzila dza Pfhumu Nungungulu.

Dzindzimo 49:1

Upwani enu vathu nya mahundzu yatshavbo, tulani dzindzeve mupwe enu mu vbanyago tigoni,

Dzindzimo 50:4

Khu vbatshani a ngu ramba sivangwa sa ndzadzini ni mafuni, gasi guta lamula vathu vaye.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Isaya 34:1

Hidzimelani enu mayigo, gasi mu yingise, ni enu vathu yingisani! Mafu ni satshavbo si guromo umo si na yingise, litigo ni satshavbo si dugelago umo.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Jeremiya 13:15

Dembani ndzeve mu yingisa, mu nga dzi khusedzi; kholu Pfhumu Nungungulu ganede.

Jeremiya 22:29

Uwe litigo, litigo, litigo langu! Yingisa lito la Pfhumu Nungungulu.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Ezekiyeli 24:3

Ganela ga litigo leli nya guyeyise gipimaniso gimwegyo, u va embela, khuwe: Mune Pfhumu Nungungulu, a ngu ganela kharati, khuye: Tshelega khali gasi yi vila; yi tshelege, u yi thela mati.

Ezekiyeli 36:4

Khu guralo, yingisani enu sigomo sa Israyeli, magana ya Mune Pfhumu Nungungulu; Mune Pfhumu Nungungulu, a ngu ganela kharati ga sigomo ni ga sigomwana, ga mitsongo ni ga mikova, ga malanga nya siwula nya guthise, ni madhoropa yakone ma phangidwego ma khala marumbi, ma vbindrugedzidego ma khala givalo ni gihegiso ga mayigo ma tshadego ya vaakelane.

Amosi 3:1

Upwani magana yaya Pfhumu Nungungulu a ganedego gwanu, enu va na Israyeli, ni ga lihundzu latshavbo leli a li dusidego khu tigoni ga Egipito wari khuye:

Mikeya 1:1

Aya khu magana ya Pfhumu Nungungulu ma ngata ga Mikeya, wa Morasita, matshiguni ya Jotamo, vafumeli va Judha, na ma guta khu giwoniso a wonisidwego khu kotani ya Samariya ni Jerusalema.

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Dhewuteronome 1:31

niso a giridego gambe giwulani, avbo mu wonidego nya gukhenu Pfhumu Nungungulu wanu, Uye a mu pharide khu libogo kha nga muthu a pharago gyanana gyaye khu libogo, ndzilani gwatshavbo mu gimbidego, kala mu ta vboha wulanga wowu.

Dhewuteronome 30:19

Ndzadzi ni mafu somo muhuno kha nga dzifakazi dzangu, gukheni nyi vegide mbeli gwago guvbanya ni gufa, makategwa ni libango. Hatha guvbanya gasi u kodza gu mana guvbanya, uwe gumogo ni livelego lago.

Dhewuteronome 32:1

Upwani ndzadzini, kholu nya gu vbweta gu ganela; Wpwa uwe litigo, magana ya kanani gwangu.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.