Isaya 1:19 - Bhibhiliya Nya Guage

¹⁹ Mwa gu bani mu dzi emisede gu nyi yingisa, mu na hodza nya sadi sa tigoni momu.

Isaya 1:19 Iomraidhean Croise

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Jeremiya 21:8

Gasi uwe u na embela vathu vava, khuwe: “Pfhumu Nungungulu a ngu ganela kharati, khuye: Wonani eni nyi ngu vega mbeli gwanu ndzila nya guvbanye ni ndzila nya gufe.”

Jeremiya 7:3

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Lulamisani dzindzila dzanu, mu diga mavbanyelo yanu nyambasi yadi, gasi nyi kodze gu mi vega mu vbanye wulanga wowu.

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Jeremiya 7:7

Khu guralo, nyi na mi girani mu khala ga wulanga wowu, tigoni momu nyi ningidego vababe vanu, gukhugela matshiguni ya gale kala gupindruga.

Joyele 2:26

Mu na hodza mu khura, gambe mu na tsaka mu rungudza lina la Pfhumu Nungungulu wanu, a mi giredego silo nya gusamadzise; ni vathu vangu gima kha va na thega gambe dzitshoni.

Levhi 25:19

Mafu ma na ninga mihandro yaye, mu na hodza mu khura; gambe mu na vbanyani na mu tiyide tigoni nyamba thava gilo.

Levhi 26:3

Mwa gu vegedzani milayo yangu, mu yingisa sileletelo sangu mu si landrisa,

Levhi 26:5

Guvbwera nya tirigu gu na simama kala matshigu nya gu havedwe dziuvha, kala mu vbohisa matshiguni nya gilimo ni gu yala dzimbewu; mu na hodza mu khura gambe mu na khala na mu tiyide tigoni gwanu.

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Dhewuteronome 28:1

Mosi a di ganela, khuye: “Wa gu yingisa gwadi lito la Pfhumu Nungungulu wago, u sayisa gwadi milayo yaye nyi gu ningago muhuno, Pfhumu Nungungulu wago, a na gu khusedza vbatshani nya mifumo yatshavbo ya mafuni.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.