Isaya 1:18 - Bhibhiliya Nya Guage

¹⁸ Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 1:18 Iomraidhean Croise

Joba 9:33

Mwalo vbakari gwathu, a yelago gu hi tshanganisa eni Naye, a khala uye mulamuli wathu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Dzindzimo 51:9

Siha khovbe yago u si woni sighoho sangu, u futa guvivba gwangu gwatshavbo.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 3:13

Pfhumu Nungungulu a na khuga a ema; a duga, a lamula mayigo.

Isaya 41:1

Degulani mbeli gwangu, enu vathu mu vbanyago sidwani. Enu mayigo, wusedzani tshivba yanu! Hidzimelani vbafuvbi gasi mu ganela; hatshavbothu hi naya ema phathani.

Isaya 41:21

Pfhumu Nungungulu, Mufumeli wa Jakobe, wari, khuye: Bikelani sigaradzo sanu ni gu resa dzifanelo dzanu.

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Isaya 50:8

Kholu uye a nyi vhikelago womo vbafuvbi gwangu; khu mani a na tiyago gu ema a nyi wugela? Hongoleni hi ya ema gumogo mbeli ga mulamuli; khu mani nyi mu ghohedego? A na hidzimele vbafuvbi gwangu!

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Ezekiyeli 18:27

Aholu muthu nya guvivbedwe khu monyo, a gu hambana ni guvivba gwaye, a gira ugo gu lulamidego ni nayo, uye a na vbulugisa womi waye a vbanya.

Ezekiyeli 33:16

Mwalo ni moyo a na dundrugago sighoho a giridego; a gu bani giride mithumo nya gululame ni nongameto, khu lisine, a na vbanya.

Mikeya 6:2

Enu sigomo yingisani, mu ngu rwegwa nandru khu Pfhumu Nungungulu, ni enu siseketelo nya litigo mu tiyidego ngudzu; kholu Pfhumu Nungungulu a ngu dwanisa vathu vaye, gambe a na lamula va na Israyeli.

Mithumo 17:2

Kha nga giolovedzo gyaye, Pawulo a di hongola aya va vbweta. Khade gipimo nya dzisabhadho dzitharu na gu ganedzisana navo khu mahungu nya Milowo.

Mithumo 18:4

Khu Sabhadho ni Sabhadho va di hongola nyumbani nya nombelo nya Vajudha. A di dzi garadza khu gu vbweta gukhuye Vajudha ni Vagreki va khodwe.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.

1 Samuweli 12:7

Gasi olu, khugani mu eme gasi nyi kodza gulamulana nanu mbeli ga Pfhumu Nungungulu, khu gu mi alakanyisa khu mithumo yatshavbo nya gululame eyi a mi vbulugisidego khiyo avbo gwanu ni ga vababe vanu.