Isaya 1:16 - Bhibhiliya Nya Guage

¹⁶ Hambani, mu dzi agisa, ndreyisani mahoni gwangu sigiro sanu nya guvivbe, si yiseni hwindzo ni eni; digani gu gira mithumo nya guvivbe.

Isaya 1:16 Iomraidhean Croise

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 34:14

Ndreya ga esi nya guvivbe, u gira nya sadi; vbweta gurula u gu landrisa.

Dzindzimo 37:27

Hambana ni wuvivbi u gira wuwadi, u na simama gu vbanya kala gupindruga;

Dzindzimo 51:2

Nyi handze gighoho gyangu nyi agise ga giwono gyangu.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Mavingu 4:27

U nga ndreyi uya nyamudye mwendro nyambade, dusa ngondro wago guvivbani.

Isaya 52:11

Dugani, dugani, khugani umomo! Mu nga kuhi ni gimwegyo gilo nya gunyenyeze. Dzi agiseni, mu duga vbakari gwaye, enu mu rwadego sombo sa Pfhumu Nungungulu.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 26:3

A gu dzina saye va na ma yingisa va vbindrugedza mavbanyelo, muthu ni muthu a ndreya ndzilani gwaye nya guwegele, gasi eni neni nyi kodza gu diga makungo nya tsayiso nyi va dongisedego gu va resela, khu kotani nya sigiro sawe nya guvivbe.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Matewu 3:8

Wonegisani mihandro yi yeyedzago gu vbindrugedza gwanu.

Mithumo 22:16

U nga gu virela gambe ginani, khuga u bhapatiswe, u handzwe sighoho sago khu gu lombelela khu lina laye.’

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

1 Pedro 2:1

Khavbo avbo, digani satshavbo nya guvivbe, malipha, gusengedzela, lidiwo ni milembo yatshavbo.

1 Pedro 3:11

A na ndreye ga silo nya guvivbe, a gira iso nya sadi; a na vbwete gurula, a gu landrisa.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.