Isaya 1:15 - Bhibhiliya Nya Guage

¹⁵ Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 1:15 Iomraidhean Croise

1 Dzipfhumu 8:22

Khavbo avbo, Solomoni a di ema mbeli nya giluvelo gya Pfhumu Nungungulu, a khusedza mandza vbatshani, mbeli nya tshangano watshavbo wa Israyeli,

1 Dzipfhumu 8:54

Avbo Solomoni, a nga vbedzago gu gira ga Pfhumu Nungungulu nombelo yoyu ni gilombo gegi, na khidzimide a khusedza mandza ndzadzini, a di khuga khavbo a nga bani a khidzimide, mbeli nya giluvelo gya Pfhumu Nungungulu,

Ezira 9:5

Vbafuvbi ni gu gira phaso nya silambo, nyi di wuga khu guswihalani gwangu, kha nga nyi nga bani nyi pferude dzingandzu dzangu ni gifenengelo gyangu, nyi di khidzima khu dzikhungumudzi dzangu, nyi thawuludza mandza yangu ga Pfhumu Nungungulu wangu.

Joba 27:20

A gu langaladzwa khu dzimhango kha nga mati nya ndrambi, vbawutshigutunu a gu kutsungwa khu gingulu.

Joba 35:13

Lisine kheli, Nungungulu kha yingisi milombelo yi si phasigu gilo, Nyadzitshivbe gima kha na yi khathalela.

Dzindzimo 134:2

Khusedzani mandza yanu ma khedzisa wulangani nya guage, dhumisani Pfhumu Nungungulu.

Dzindzimo 55:1

Yingisa nombelo wangu, Nungungulu; nya gu gu lomba u nga nyi digi.

Dzindzimo 66:18

Naripwani nyi di alakanya guvivba monyoni gwangu, Pfhumu gima na sa nyi yingisa.

Ekisodha 9:29

Mosi a di mu embela, khuye: “Avbo nyi na dugago khu dhoropani nyi na ya khusedza mandza nyi lomba ga Pfhumu Nungungulu; mabara ma na degula ni ndzadzi nya maralala yi na khamuga, ufela gu dziti gukhuwe litigo la gu lumba Pfhumu Nungungulu.

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 58:4

Wonani nya gukhenu, mwa gu hala na mu gu ganedzisana ni gu dwanisana, na mu gu vetana khu sibhakela nya dzihanyi; mwa gu hala kharato, nombelo wanu kha wu na vboha ndzadzini.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Ezekiyeli 11:6

Mu songetede vathu nya vangi dhoropani momu, gambe mu tadzide dzindzila dzaye khu sirumbi.

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Ezekiyeli 39:23

Va nya mayigo va na dziti nya gukhavo va na Israyeli, va di yiswa wugumbini khu kotani nya guvivbe gwawe, kholu va nga nyi wugelago, Eni neni nyi di va sihela khovbe yangu, nyi va ningela mandzani ga valala vawe, vatshavbo va songetedwa khu matshari.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 6:7

“Milombeloni yanu mu nga tadzi mahungu nya mangi, kha nga idzo ma girago mahedheni, na ma gu pimisa nya gukhayo kharati khavbo ma na pwidwago.

Johane 9:31

Hi ngu dziti nya gukhethu Nungungulu kha yingisi sighohi, aholu a gu yingisa vale va mu ningago githawo ni gu gira gugola gwaye.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.