Isaya 1:13 - Bhibhiliya Nya Guage

¹³ Mu nga simami gu nyi reselani gambe miningelo yanu nyamba phasa gilo; kholu libani lanu, li ngu nyi nyenyeza, ni Mibuzo nya Gumege Ngima gambe, ni dzisabhadho, ni mitshangano nya yikhongolo; nyi garade khu guvivba gwanu, ambari khu mimbe mitshangano mu girago.

Isaya 1:13 Iomraidhean Croise

2 Dzipfhumu 4:23

Uye a di mu wudzisa, khuye: “Wa gu yela ginani iyo gwaye muhuno? Khandri litshigu nya Buzo nya gumege nya Ngima, gambe khandri Sabhadho.” Nyamayi a di hakha, khuye: “U nga garadzegi.”

1 Dzikoronika 23:31

Va diri ni fanelo nya guningele miphaselo nya guvbiswe ga Pfhumu Nungungulu, khu dzisabhadho ni gumegani nya ngima, ni mitshangano yi tadego, kha nga giolovedzo gyawe, gasi va simama gu manega mbeli ga Pfhumu Nungungulu.

Dzindzimo 78:40

Dzinyondro dzingani va nga wugelago Nungungulu mugiwulani va mu pwisa wuvi tigoni mule nya gihala!

Ekisodha 12:16

Khu litshigu nya guphele, mu na girani tshangano nya guagiswe; mu na gira gambe idzosaye khu eli nya livbandre na mavili. Ga matshigu yaya, mu nga thumi gilo, vbavbandze basi nya gululamisele esi si ninganago gu a hodza muthu; khiso basi mu na si vegisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Mavingu 7:14

“Nyi sambanyide gu gira miphaselo nya gubonge, muhuno nyi tadziside gifungo gyangu.

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Gililo 2:6

Pfhungumude Tshatsha waye nga khwatshi lithembwe; a fuvisa wulanga nya tshangano waye. Pfhumu Nungungulu a fuviside Siyoni, matshigu nya mibuzo ni dzisabhadho khu kotani nya guvbisege gwaye, fuviside vafumeli ni vaphasi nya mhamba. Zain

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Joyele 2:15

Wombani pundru Siyoni, vegani litshigu nya guhale nya gu dzi agise, mu huwelela litshigu nya gulolele.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Mitengo 10:2

“Gira mipundru mivili nya parata; u na yi gira khu parata nya gupfhudwe, u na yi thumisa gu tombanisa khiyo mitshangano ni gu tivisa gukhuga nya mazumbo.

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Luka 11:42

“Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

1 Vakorinto 11:17

Ga esi nyi vbwetago gu mi embela olu, nyi mwalo gu mi zundza. Kholu mitshangano yanu kha yi mi phasi gu khala tshukwana, aholu ya gu mi vivbisani.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

Vafilipi 1:15

Nyi ngu dziti gukheni vomo va tivisago Kristo khu mapimo nya mapalisana ni lidiwo gwangu, aholu vambe va gu mu tivisa khu monyo nya gululame.