Isaya 1:1 - Bhibhiliya Nya Guage

¹ Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 1:1 Iomraidhean Croise

2 Dzipfhumu 15:1

Khu mwaga nya magumavili na livbandre na mivili nya gufume ga Jerobhowamo, mufumeli wa Israyeli, a di phela gufuma Azariya, mwamana wa Amaziya, mufumeli wa Judha.

2 Dzipfhumu 15:13

Salumi, mwamana wa Jabhesi, phede gu fuma khu mwaga nya magumararu na livbandre na mina nya gufume ga Uziya, mufumeli wa Judha; fumide ngima moyo basi tigoni ga Samariya.

2 Dzipfhumu 15:32

Khu mwaga nya wuvili nya gufume ga Peka, mwamana wa Remaliya, mufumeli wa Israyeli, a di phela gufuma Jotamo, mwamana wa Uziya, mufumeli wa Judha.

2 Dzipfhumu 15:7

Azariya lade gumogo ni vavelegi vaye, va mu dzingide vbafuvbi ni vavelegi vaye Dhoropani ga Dhavhidhe; wulangani gwaye fumide mwanaye Jotamo.

2 Dzipfhumu 18:1

Khu mwaga nya wuraru nya gufume ga Ozeya, mwamana wa Ela, mufumeli wa Israyeli; a di phela gufuma Ezekhiya, mwamana wa Akazi, mufumeli wa Judha.

2 Dzipfhumu 19:2

Khavbo avbo, a di rumela Eliyakimi, ndruna ya nyumbani ga mufumeli, ni mulovi Sebhina, ni madhota ya vaphasi nya mhamba na va ambade silendra, ga muprofeti Isaya, mwamana wa Amosi.

2 Dzikoronika 26:1

Vatshavbo va na Israyeli, va di dzega Uziya a nga bani ari ni likhumi na livbandre na moyo myaga nya guvelegwe gwaye, va mu pharisa ndronga nya wufumu a tshikedza babe waye, Amaziya.

2 Dzikoronika 26:22

Simbe sigiro saye esi nya guhegule niso nya guhegise, si lovidwe khu muprofeti Isaya, mwamana wa Amosi.

2 Dzikoronika 27:1

Jothamo a diri ni magumavili na livbandre myaga nya guvelegwe gikhati a nga phela gufuma, fumide likhumi na livbandre na moyo myaga Jerusalema. Lina la mayi waye a di ranwa gupwani Jerusa, nyamahegyane wa Sadhoki.

2 Dzikoronika 28:1

Akazi a diri ni magumavili myaga gikhati a phedego gufuma. Fumide likhumi na livbandre na moyo myaga Jerusalema. Kha nga thuma mithumo ya yadi mbeli ga Pfhumu Nungungulu, kha nga babe waye Dhavhidhe,

2 Dzikoronika 29:33

Sifuyo si nga agiswago si diri tengo nya livbandre na limwedo mazana (600) dzimombe ni magumararu mazana (3.000) dzinvuta.

Dzindzimo 89:19

Gale u ganede khu ndroro ga sithumi sago nya gukatege, khuwe: Nyi ningide tshivba ndrena mweyo, nyi fumiside lidzaha nyi nga li hathago vbakari nya vathu vangu.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 2:1

Aya khu magana nya giwoniso gya Isaya, mwamana wa Amosi, mayelano khu Judha ni Jerusalema.

Isaya 20:2

khu gikhati gyogyo gya gimwegyo, Pfhumu Nungungulu a di ganela khavbo ga Isaya, mwamana wa Amosi, khuye: “Indra, u ya tshula mwendra wu guromo giwununi gwago u dusani silato sa migondroni gwago.” Uye a di gira kharato, a duga a gimbila wumbwiri ni gumba ambala silato.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 37:2

Khavbo avbo, mufumeli a di rumela Eliyakimi, muwoneleli wa nyumbani nya wufumu, ni Sebina, mulovi nya mahungu, ni madhota ya vaphasi nya mhamba, vatshavbo na va ambade dzisaku ni sikutitshalu, va hongola ga muprofeti Isaya, mwamana wa Amosi.

Isaya 38:1

Khu matshigu yale, a di dwala Ezekhiya khu madwali nya guhadze gufa; muprofeti Isaya, mwamana wa Amosi, a di ya mu wusela a mu embela, khuye: “Pfhumu Nungungulu a ngu ganela kharati, khuye: Lulamisela gwadi mahungu nya nyumba yago, kholu u nafa khu na vbanya gambe.”

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Isaya 7:1

Khu matshiguni ya Akazi, mwamana wa Jotamo, mwamana wa Uziya, mufumeli wa Judha. Rezimi, mufumeli wa Siriya, ni Peka, mwamana wa Remaliya, mufumeli wa Israyeli, va di gwela Jerusalema guya li dhumela. Aholu va diya tandrega gu li wandra.

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Hoseya 1:1

Aya khu magana Pfhumu Nungungulu a nga embela Hoseya, mwamana wa Bheyeri, matshiguni ya Uziya, Jothamo, Akazi ni Ezekhiya, vafumeli va Judha, matshiguni ga Jerobhowamo, mwamana wa Jowasi, mufumeli wa Israyeli.

Amosi 1:1

Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.

Amosi 4:5

Ningelani miphaselo nya gubonge khu sibaba nya guthedwe mela, mu huwelela khu miphaso yanu nya guningele khu gugola; kholu khiso enu, sanana sa Israyeli, khiso mu si golago, a ngu ganela Pfhumu Nungungulu.

Mikeya 1:1

Aya khu magana ya Pfhumu Nungungulu ma ngata ga Mikeya, wa Morasita, matshiguni ya Jotamo, vafumeli va Judha, na ma guta khu giwoniso a wonisidwego khu kotani ya Samariya ni Jerusalema.

Nahume 1:1

Gulamudwa ga Ninivha. Libhuku nya giwoniso gya Nahume, nya lifumbu la Elikosi.

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Mitengo 24:16

magana ya muthu a yingisago mahungu ya Nungungulu, oyu a gu pimago guti gwa Uye a Khusegidego Ngudzu, uye a wonago Nungungulu nya Tshivba Yatshavbo, uye a dzi nogisago aholu na ma tulegide maho yaye.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

Matewu 17:9

Na va gu tshiga khu mugigomoni, Jesu a di va laya, khuye: “Mu nga embeli muthu iso mu ngari gu si wonago, kala Mwamana wa Muthu a wuga khu ga vafudego.”

Mithumo 10:17

Pedro, a di liwuga, a dzi wudzisa tshamuselo nya esi a nga si wonago. Va di vboha vathu va nga rumedwa khu Korineliyo, na va wudziside ndzila nya guhongole ndrangani ga Simoni, va di ta ema vbamwanyatunu.

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

2 Vakorinto 12:1

Kha gu vbwetegi gu ganela gambe khu mahungu nya gu dzi zundze. Khu guralo, nyi na ganela khu siwoniso ni gutuledwa khu Pfhumu.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.