Hoseya 9:7 - Bhibhiliya Nya Guage

⁷ Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Hoseya 9:7 Iomraidhean Croise

2 Dzipfhumu 9:11

Gikhati Jewu a dugidego a hongola ga sithumi sa mune waye, si di mu wudzisa, khiso: “Gwadi ulolo, gani? Muthu yoyo nya guhandruge a di tela ginani avbo gwago?” Uye a di va hakha, khuye: “Mu ngu muti gwadi muthu yoyu ni maganelelo yaye.”

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 11:23

Kha gu na tshala ni moyo wawe, kholu nyi na resa mhango ga vathu va Anatoti, khu mwaga nya tsayiso yawe.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 29:26

Pfhumu Nungungulu a gu giride muphasi nya mhamba wulangani ga muphasi nya mhamba Joyadha, gasi u khala muthangeli wa Nyumbani gwa Pfhumu Nungungulu, gasi muthu watshavbo a handrugago a dzi gira muprofeti, u mu hunga khu makhetshe ni dzitshinga, u mu thela pasoni.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 13:10

Kholu, va gu pengisa vathu vangu, va va embela, khavo: Gurude, narigu gu mwalo gurula. Vambe gu vbaha libhiyo khu maraga, vambe va gu li londra khu phembe li thega.

Ezekiyeli 13:3

Mune, Pfhumu Nungungulu a ngu ganela kharati, khuye: Libango ga vaprofeti nya sipumbu, va landriselago liphuvbo lawe, va ganela silo va ngamba si wona!

Ezekiyeli 25:17

Nyi na thuma gwawe gu phodza nya gukhongolo, gambe nyi na va tsayisa khu likhulo langu. Khu guralo, gikhati nyi na phodzago gwawe, khavbo va na dzitigo gukhavo Eni kheni Pfhumu Nungungulu.”

Ezekiyeli 38:23

Khu magirelo yoyo, eni nyi na yeyedza wugulu ni gu aga gwangu, nyi na tidwa mahoni ga va nya mayigo; havbo mu na nyitigo gukhenu Eni kheni Pfhumu Nungungulu.”

Ezekiyeli 9:10

Gasi khu gyangu gipandre, kha nyi na va pwela gisiro, gambe kha nyi na va tsetsa, aholu nyi na thesa mihungoni gwawe gukhedza khu esi va giridego.”

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 5:9

Litshigu nya tsayiso, Efrayimi a na khungumudwa. Vbakari nya mahundzu ya va na Israyeli, nyi yeyedzide iso si na giregago.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:8

Muprofeti gumogo ni Nungungulu wangu muemeledzi nya gughade Efrayimi, dzindzilani gwaye gwatshavbo dembedwe mazinga, ni gunyenywa Nyumbani ga Nungungulu waye.

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Marko 3:21

Valongo vaye, na va pwide esi, va dita gasi guta mu dzega, kholu va di pimisa nya gukhavo a di handruga.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

2 Vakorinto 5:13

Kholu nya gu bani nyi vbede mapimo, nya gu gira khu kotani ya Nungungulu; nya gu wonega gukhwatshi nya gu wuyisa mapimo, khu kotani gwanu.

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.