Hoseya 9:6 - Bhibhiliya Nya Guage

⁶ Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Hoseya 9:6 Iomraidhean Croise

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Mavingu 24:31

nyi di mana lithembwe na li khumide khu miba mwasi na wu fenengedzide dzimbewu, ndzari nya libhiyo na yi thegide, siwindri na si mbambamede vbavbatshi.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 19:13

Vathangeli va Zowa va vbungugide mapimo, vathangeli nya lidhoropa la Menifisi va kanganyisidwe; va pengiside Egipito a bela gughohani, avo gu vathangeli nya dzinyumba dzawe.

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 34:13

Dzinyumbani gwawe nya wufumu gu na buga miba, ni makhokholani gwawe gu na buga sirangalabwa ni maheho; gu na khala gambe wuvbanyelo nya masolwa ni dzimbowa.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 7:23

Khu litshigu lile gambe, lithembwe ni lithembwe nya miuvha li gu na ni likhumi mazana (1.000) misimbo, li ninganago likhumi mazana (1.000) singerengere nya parata, li na vbindrugedza li buga miba ni sirangalabwa.

Jeremiya 2:16

Ambari ni vathu va tigoni ga Menfisi ni va Tafenisi va mi pandride phandza hungoni.

Jeremiya 42:22

Khu guralo, muhuno dzitini nya gukhenu mu na songwani khu matshari, ndzala ni mitungu tigoni mu gu godego guya khala umo.”

Jeremiya 44:1

Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:13

Nyi na tsayisa vatshavbo avo va khalago tigoni ga Egipito, khu matshari, ndzala ni mitungu, nga idzo nyi nga tsayisago khidzo lidhoropa la Jerusalema.

Jeremiya 46:14

Huwelelani esi tigoni ga Egipito ni gu pwadza Migidholi; mu huwelela gambe Menfisi ni Tafenisi, ganelani, khenu: Khugani mu dzi dongisele, kholu matshari momo ma sasela vaakelane vanu.

Jeremiya 46:19

Uwe nyamahegyane u vbanyago Egipito, dongisela mirwalo gasi guya wugumbini, kholu lidhoropa la Menfisi li na khungumudwa li khala marumbi nyamba khadwa gambe khu muthu.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Ezekiyeli 30:16

Nyi na khondrisa nilo tigoni ga Egipito; Sine a na bani ari ni wuvi nya wukhongolo ngudzu, Nohi a na khungumudwa, ni Menifisi a na lundrwa khu valala vaye vbakari nya mihani.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Hoseya 11:11

Va na wuya khu Egipito na va gu vbuvba nga sinyoni, khu tigoni ga Asiriya, na va gu vbuvba nga matuva. Nyi ta va khadzisa nyaluphye dzindrangani gwawe; a ngu ganela Pfhumu Nungungulu.

Hoseya 2:6

Sanana saye kha nyi na si sayisa khu lihaladzo, kholu sanana sa wubhayini gwaye.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Sofoniya 1:11

Wombani dzihuwa enu vavbanyi va Makitesi, kholu vathu vatshavbo Vakhanani va mbembisidwe ni vamahungane vawe vatshavbo, va vbede vatshavbo va nya wugwewo nya dzitsapawu.

1 Samuweli 13:6

Avbo va na Israyeli va nga wona gukhavo, va randredwe khu maphuvbo yatshavbo, va di sihala mudziphagoni, ni mavbalani, sirangalabwani, siwindrini ni milamboni.