Hoseya 9:4 - Bhibhiliya Nya Guage

⁴ Kha va na nga ningela miningelo nya miphaso nya vhinya ga Pfhumu Nungungulu, ni miphaso yawe va mu girelago, kha yi na mu tsakisa. Miphaso yawe, yi na fanana ni guhodza ga vamalile, vatshavbo va na gu hodzago va na nyenyeza khugo. Kholu guhodza gwawe gu na lumba basi avo; kha gu na bela Nyumbani ga Pfhumu Nungungulu.

Hoseya 9:4 Iomraidhean Croise

Ekisodha 29:40

Khu nvutana mweyo, u na ningela ndrengo nya wuguvbi wu sugidwego khu pimo nya gigasi nya mafura nya miolivha ni gikombe nya wadwa nya dziuvha u gira phaso nya gusedwe.

Ekisodha 40:23

A gu sasamedzela sibaba vbamezatunu, mbeli ga Pfhumu Nungungulu, gulandra khu ndzila yakone edzi a rumidwego khidzo Mosi khu Pfhumu Nungungulu.

Isaya 57:6

Kholu vanungungulu vanu vomo umo nya siwindri nya gukwirige sa sitsongwanani; khiyo thomba yago; khiso u si phaselago khu vbinyu, ni gu si girela miphaselo khu wuguvbi; ina nyi na salalegiswa khiso isoso, gani?

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Jeremiya 16:7

Gambe mwalo a na gu hodzago navo guhodza nya gililo gasi gu va tangadzisa, kholu va fedwego, ambari gu va ningwa libogo nya gu thaveledwe, ga vale va fedwego khu vavelegi vawe.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Ezekiyeli 24:17

Hefemudzega huwe kape, u nga giri gililo khu vale va fudego; ambala gihugu gyago, u ambala ni silato migondroni gwago; u nga fenengedzi giledzu gyago, u nga hodzi guhodza ga vamalile.”

Ezekiyeli 24:22

Enu mu na girani esi nyi giridego. Kha mu na fenengedza siledzu sanu, gambe kha mu na dzumela gu hodza guhodza ga vamalile.

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Levhi 17:11

Kholu guvbanya nya mili gomo novbani; nyi mu ningide novba gasi mu agisa khuwo guvbanya gwanu vbagiluvelotunu, gasi guditshedzwa mihefemulo yanu, kholu novba wu na ni tshivba nya guagise guvbanya gwanu.

Levhi 21:17

“Ganela ga Aroni, u mu embela, khuwe: Ga situgulwana sago nya melana wu nga gutago khu mbeli, ni moyo nya ava va hasidego a nga hidzimeli a ta ningela guhodza nya miphaso ga Nungungulu waye.

Levhi 21:21

Ni moyo vbakari nya situgulwana sa muphasi nya mhamba Aroni, a gu bani na haside, a nga hidzimeli a ta ningela phaso nya guvbiswe ga Pfhumu Nungungulu. Oyu a sa vbelelago gululama mili waye, a nga hidzimeli a ta ningela guhodza nya miphaso ga Nungungulu waye.

Levhi 21:6

Va na khale vathu va phasedwego Nungungulu wawe, va nga nyenyezisi lina la Nungungulu, kholu khavo va ningelago miphaso nya guvbiswe ni eyi nya sibaba ga Pfhumu Nungungulu. Khu guralo, gu vbwetega vari vathu va agidego.

Levhi 21:8

Mu wone kha nga muthu a agidego kholu khuye a bikelago guhodza nya miphaso ga Nungungulu wago. Muthu a agidego mahoni gwanu, kholu Eni Pfhumu Nungungulu nyi mi agisago, nyi agide.

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Malakiya 2:13

Gomo gambe gumbe guvivba mu gu girago. Mwa gu tadzani khu marongo giluvelo gya Pfhumu, khu gu lila ni gu keta; kholu Pfhumu Nungungulu kha nga gu dzumela gambe gu hakha miningelo yanu, ambari gu hakha khu matsenya ndruwo ya mandzani gwanu.

Mitengo 19:11

Wule a na kuhago girumbi nya muthu, a na bani na nyenyezide livbandre na mavili matshigu.

Mitengo 28:2

“Ruma va na Israyeli, u va embela, khuwe: Mu na nyi girela miningelo nya guvbiswe khu gikhati gi vbwetegago, guhodza gwangu, nya mahema nya gunungele gwadi gwangu.

Mitengo 4:7

Va na ladza mwendra nya livala la damboni vbatshani nya meza nya sibaba, va vega dzimbiya ni mikho, simbiyana nya libani ni mikanvu nya miningelo nya wadwa: Sibaba si na simama si na romo vbatshani nya mwendra yoyo gikhati gyatshavbo.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Dhewuteronome 26:14

Kha nya hodza miningelo nya gipandre nya likhumi na nyiri vbakari nya malilo yangu, ambari gu dusa na nyi nyenyezide, gambe gimwalo nyi nga dusago nyi ningela guphasela muthu a fudego; nyi yingiside lito la Pfhumu Nungungulu wangu, satshavbo u nyi rumidego, nyi giride.