Hoseya 9:3 - Bhibhiliya Nya Guage

³ Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Hoseya 9:3 Iomraidhean Croise

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Gililo 5:6

Hi dzi ningede ga Vagipiti ni ga Vaasiriya, gasi va hi phasa khu gu hi ninga guhodza.

Ezekiyeli 4:13

Pfhumu Nungungulu a di engedza a ganela, khuye: “Va na Israyeli va na hodza kharati gibaba gi nyenyezidego vbakari nya mayigo nyi na gu va phalalegiselago umo.”

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Hoseya 11:11

Va na wuya khu Egipito na va gu vbuvba nga sinyoni, khu tigoni ga Asiriya, na va gu vbuvba nga matuva. Nyi ta va khadzisa nyaluphye dzindrangani gwawe; a ngu ganela Pfhumu Nungungulu.

Hoseya 11:5

Kha va na bwelela gambe tigoni ga Egipito, aholu va na fumedwa khu Asiriya, kholu va nga bomba gu vbindrugedza mavbanyelo.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Levhi 18:28

Dzi woneleni nenu, litigo li nga mi gosani khu gu dzi nyenyezisani, kha nga li gosidego vale va nga vbanyago umo, mu si gu vbohi enu.

Levhi 20:22

Khu guralo, mu na vegisani milayo yangu yatshavbo, ni sileletelo sangu satshavbo, mu si landrisa, gasi litigo nyi mu yisago muya vbaha umo li si mi gosi.

Levhi 25:23

Sipeto si nga rengisedwi muphelo, kholu mafu ma gu lumba Eni, enu muvawuyi ni vapfhumba vangu.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Mithumo 10:14

Aholu, Pedro a di hakha, khuye: “Ahihi, Pfhumu, gima kha nyi na gira isoso, kholu, gima nyi si gu hodzi gilo nya gunyenyeze ni silo nyamba agiswa.”

Dhewuteronome 28:63

Kha nga olu Pfhumu Nungungulu a tsakago khu gu mi kategisa, a mi andrisa, khidzo gambe kharato Pfhumu Nungungulu a na tsaka khu gu mi pfhungumula ni gu mi mbembisa; a nenu mu na duswa ga litigo mu yago ga ilo guya li fumela.

Dhewuteronome 28:68

Pfhumu Nungungulu a na gu bweledza khu mataro tigoni ga Egipito, ndzila nyi gu embedego, kheni: Gima khu na yi wona gambe. Avbovbo mu na ya dzi rengisani ga valala vanu, mu khala dzikhumbi nya vama ni vanyamayi, aholu mu na hamuga muthu nya gu mi renge.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.

Josuwa 23:15

Kha nga olu magana yatshavbo ya Pfhumu Nungungulu ma dzudego avbo gwanu, satshavbo nya sadi esi Pfhumu Nungungulu a mu tumbisidego, kharato gambe Pfhumu Nungungulu a na tiyisa vbatshani gwanu tsayiso watshavbo a mu embedego kala a mi sasela ga litigo leli nya ladi Pfhumu Nungungulu wanu a mi ningidego.