Hoseya 9:2 - Bhibhiliya Nya Guage

² Aholu tirigu ya vbasithalatunu ni mafura ya miphongoloni gwanu, kha si na mi hodzisa, ni vbinyu nya yiphya kha mu na yi linga.

Hoseya 9:2 Iomraidhean Croise

Genesi 50:10

Avbo va nga vbohago vbagithalatunu gya Atade, githala nya miba gi guromo bambe nya tsongo wa Joridhani, va di gira vbale thumo nya gudzinge ni gililo nya gikhongolo ngudzu; Josefa a di gira gililo nya gikhongolo a lila babe waye khu livbandre na mavili matshigu.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Hoseya 2:12

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Hoseya 2:9

A na landrisela sibhayi saye, aholu kha na si mana; a na si vbweta, aholu kha na si mana. Khavbo avbo, a na ganela, khuye: Nyi na bwelela ga mwama wangu nya guhegule, kholu nyi diri tshukhwana guvbindra edzi nyi guromo khidzo olu.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Agewu 2:16

Khu hwane nya gikhati, muthu a guta gwela vbalitalatunu li gu ni magumavili mipimo a di ta mana basi likhumi mipimo, a guta umo nya miphongolo guta dusa livbandre magumi mipimo nya vbinyu, a nata mana basi magumavili.