Hoseya 9:17 - Bhibhiliya Nya Guage

¹⁷ Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Hoseya 9:17 Iomraidhean Croise

2 Dzikoronika 18:13

Mikeya a di mu phindrula, khuye: “Nyi ngu sambanya khu Pfhumu Nungungulu a vbanyago kheni, iso Nungungulu wangu a na gu nyi embelago, khiso nyi na ganelago.”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Dzindzimo 31:14

Aholu, eni nya gu tumba uwe Pfhumu Nungungulu, nyari, kheni: Uwe khuwe Nungungulu wangu.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 48:18

Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Jeremiya 6:30

“Va na ranwa gupwani parata nyamba phasa gilo, kholu Pfhumu Nungungulu a va digide.”

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Johane 20:28

Tomasi a di khuye: “Pfhumu yangu, Nungungulu wangu!”

Johane 7:35

Vajudha va di wudzisana, khavo: “Hayini a vbwetago guhongola avbo nyamba mu mana ethu? Mwendro a gu vbweta guya patana ni ava va phalalegidego tigoni nya Vagreki, gumogo ni guya hevbudza Vagreki?

Mithumo 3:23

Uye a na gumba yingisa muprofeti yoyu a na fuviswa vbakari nya vathu va Nungungulu.’

Dhewuteronome 32:26

Eni nyi di, kheni: Nyi na va phalalegisa, nyi fuvisa gialakanyiso gyawe vbakari nya vathu.

Dhewuteronome 4:25

Khu guralo, gikhati mu na gu velegago sanana ni vatugulu, mu gumba mafuni momu, mwa gu dzi nyenyezisa, mu girani gifananiso nya gukari nya guwumbwe, gi fananago ni gilo nya gukari, mu girani guvivba mahoni ga Pfhumu Nungungulu wanu, gasi gu mu gorogisa,

Dhewuteronome 4:27

Pfhumu Nungungulu a na mi phalalegisa vbakari nya mayigo, mu na tshala na muri tengo nya wudugwana vbakari nya vathu nya mayigo Pfhumu Nungungulu a na mi yisago umo.

Vafilipi 4:19

Nungungulu wangu a na mi phase khu satshavbo mu si vbwetago, khu gutala nya wufumu ni wudhumo waye ga Kristo Jesu.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.