Hoseya 9:15 - Bhibhiliya Nya Guage

¹⁵ Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Hoseya 9:15 Iomraidhean Croise

Dzindzimo 78:60

Kala a diga ni Tshatsha waye nya miphaso tigoni ga Silo, nyumba a nga bani a gu vbanyela umo vbakari nya vathu.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Jeremiya 11:15

Gasi gigodwa gyangu gya gu vbweta ginani nyumbani gwangu, nya nga olu nya vangi vawe va girago silo nya singi nya gunyenyeze, va gu alakanya gukhavo dzinyama nya miphaso dzi ngu kodza gu dusa manyala yago, gani? Ina u ngu dzi kodza gu dzi khusedza khu gutsaka, gani?

Jeremiya 12:8

Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Ezekiyeli 23:18

“Khu guralo, a di simama wuphuphuluni gwaye nyamba siha, a yeyedza wumbwiri waye, eni nyi di hidzimela hwindzo naye na nya sa tsaka, nya nga idzo nyi nga hambanago khidzo ni koma waye.”

Hoseya 1:6

Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 9:17

Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Amosi 4:4

Indrani Bheteli, mu ya ghoha, bwelo khavbo mu wuya Ghiligali mu ya gu andrisa khu sighoho, resani miphaselo yanu nya dzimindrudzile, gugya ni gugya, resani miphaso yanu, guvbelani nya matshigu mararu ni mararu, resani gipandre gyanu nya likhumi.

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.

Amosi 5:5

Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Mithumo 5:21

Na va pwide silo sesi, va di bela Nyumbani ga Nungungulu ni marandragugya va phela gu hevbudza. Na vbohide Muphasi nya khongolo ni ava a nga bani ari navo, va di ramba madhota ni manganagana yatshavbo ya na Israyeli, va gu rumela guya dzega Vapostoli pasoni, gasi guta va lamula.

Josuwa 10:43

Khavbo avbo, Josuwa gumogo ni vatshavbo va na Israyeli, va di bwelela lizumboni gwawe tigoni ga Giligali.

1 Samuweli 7:16

Khu mwaga ni mwaga a di dzundrulugela madhoropa ya Bheteli, Ghiligali ni Misipa; malangani gwatshavbo momu a di lamula va na Israyeli.