Hoseya 9:12 - Bhibhiliya Nya Guage

¹² Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Hoseya 9:12 Iomraidhean Croise

2 Dzipfhumu 17:18

Pfhumu Nungungulu a di gorogela va na Israyeli a va dusa mbeli gwaye; gimwalo gi tshadego vbavbandze basi ga nyumba ya Judha.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

Joba 27:14

Ambari va gu velega sanana nya singi, iso si na vbwerwa khu matshari, ni vatugulu vawe va na hamuga ni gilo nya guhodze.

Jeremiya 15:7

Nyi va vbevberide khu gisavala dzinyangwani nya litigo, vathu vangu nyi va dzegede sanana sawe, nyi bwelo khavbo nyi va mbembisa; gambe kha va diga dzindzila dzawe nya guwegele.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Gililo 2:20

Pfhumu Nungungulu, khedzisa, u wona, gukhuwe gasi khu mani u mu giredego silo sesi? Ina vamayi va ngu yela gu hodza handro wa mahembeni gwawe, a gu sanana va si wugarelago mawogoni gwawe, gani? Ina vaphasi nya mhamba ni vaprofeti va ngu yela gu songwa giluveloni nya guage gya Pfhumu, gani? Sini

Gililo 2:22

U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la Pfhumu Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Hoseya 9:13

Efrayimi, nyi di gu mu wona na gu yadwe wulangani nya gutsakise, nga idzo nyi nga wona khidzo Tiro, aholu, Efrayimi a na ningela sanana saye ga musongi.

Hoseya 9:16

Efrayimi bayisidwe, mikhamba yaye yi bangide, kha na ninga gambe mihandro. Ambari a gu velega sanana, eni nyi na songa mihandro a yi golago ya rumbuni gwaye.

Malakiya 2:12

Muthu watshavbo a girago isoso, Pfhumu Nungungulu a na fuvisa vatshavbo avo va mu phasago ni gu mu emela, gumogo ni wule a ningelago siningwa nya miningelo ga Pfhumu Nungungulu nya Tshivba Yatshavbo.

Mitengo 14:34

Kha nga olu mu vbedzidego magumana matshigu na mu gu holelela litigo, mu na rwala milandru yanu gipimo nya magumana myaga, kholu litshigu limwedo mwaga rumba; gasi mu fela gu dziti gukhenu Eni nyi Swihade.

Mitengo 26:65

Kholu Pfhumu Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.

Dhewuteronome 28:18

Gu na vadwa ni handro nya melego wago, ni mihandro nya mafu yago, ni marole nya dzimombe ni dzinvuta dzago.

Dhewuteronome 28:32

Sanana sago nya sikhwathana ni vanyamahegyane si na ningedwa ga mambe mafumbu; aholu maho yago ma na wona isoso, ma vbela tshivba khu gusuva matshigu yatshavbo; aholu mandza yago gi mwalo ma na gu gi kodza gu gira.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Valamuli 4:16

Aholu Bharaki, a di lundra dzikareta ni masotshwa kala Haroseti-Hagoyimi; masotshwa yatshavbo ya Sisera ma di songwa khu matshari, nyamba vbuluga ni moyo basi.

1 Samuweli 16:14

Liphuvbo la Pfhumu Nungungulu li di duga ga Sawule, a tshala a tshaniswa khu liphuvbo nya guvivbe, na li gu rumedwa khu Pfhumu Nungungulu.