Hoseya 9:10 - Bhibhiliya Nya Guage

¹⁰ Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Hoseya 9:10 Iomraidhean Croise

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

2 Dzipfhumu 17:11

Va vbisa libani malangani yatshavbo nya gukhugege, va gira kha nga mayigo yale Pfhumu Nungungulu a ma dusidego mbeli gwawe; va gira silo nya guvivbe, va gorogisa Pfhumu Nungungulu.

Dzindzimo 115:8

Avo va si wumbago va wuya va khodwa ga iso, va na fanana ni sithombe soso.

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Gizimba 3:6

Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Isaya 28:4

Genge nya guwune nya wumburi waye, egi gi guromo vbatshani nya kova wu nonidego, olu gya gu fanana ni genge nya guwune. Gi na fanana ni dzikhindru dzi vidzidwego dzi si guvbohedwi khu gikhati, vavbindri nya ndzila va gu dzi wona, va gu dzi hava va hodza.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 24:2

Ndrani nya gitundru gu diromo dzindzawa nya dzadi ngudzu, nya gufanane ni dzindzawa dzi phelago khidzo gu vidzwa; ni gimbe gitundru, gi diri ni dzindzawa nya guvave, nyamba yela gu hodzwa.

Jeremiya 3:24

Gukhugela wananani gwathu, vanungungulu nya malipha va vbedzide gyuma gya vavelegi vathu, gukhugela dzinvuta ni mitshambi yawe gumogo ni sanana sawe nya sikhwathana ni esi nya sagadzyana.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 31:2

Pfhumu Nungungulu a ngu ganela kharati, khuye: Vathu va vbulugidego gu songwa khu matshari va manide wuhigo giwulani. Eni nyi naya ninga guhefemula Israyeli.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Hoseya 13:5

Eni nyi mi sayisideni mu giwulani, tigoni mule nya lihani nya guvbise ni gihala.

Hoseya 2:15

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 4:14

Eni kha nyi na tsayisa vanyamahegyane vanu khu kotani nya wuphuphulu, ambari vagadzamwane vanu khu gu gira wubhayi, kholu vama navo va guya ga maphuphulu, vaya hengela gu gira miphaso ni vanyamayi nya maphuphulu. Kholu vathu nyambana mapimo, va na mbembiswa.

Hoseya 4:18

Va gu vbedza gu sela wadwa, va gu dzi ningedzela mu wubhayini; vathangeli vawe va di gola ngudzu dzindzila dzi thelago dzitshoni.

Amosi 4:5

Ningelani miphaselo nya gubonge khu sibaba nya guthedwe mela, mu huwelela khu miphaso yanu nya guningele khu gugola; kholu khiso enu, sanana sa Israyeli, khiso mu si golago, a ngu ganela Pfhumu Nungungulu.

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Mitengo 15:39

Matshakafula yaya, momo avbovbo gasi gikhati mu ma wonago, mu na alakanya milayo ya Pfhumu Nungungulu. Mu na yi landrisa; gambe kha mu na dzumela gu ndreyiswa khu gudogorela nya myonyo ni maho yanu, yi mi yisa muguvivbani.

Mitengo 18:13

Yatshavbo mihandro nya guphele yi manegago mafuni va na resago ga Pfhumu Nungungulu, yi na lumba uwe; muthu watshavbo wa ndrangani gwago a na manegago na dzi agiside, a ngu dzi kodza gu yi hodza.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Dhewuteronome 32:10

A mu rode ga litigo nya giwula, wulanga nya pfilupfilu, nya dzihuwa ni guthisa; A mu vhikede a mu wundza, a mu sayiside gukhwatshi ndzololo nya liso laye.

Dhewuteronome 32:17

Va phasede mandriki ni maphuvbo nya guvivbe a si gu nungungulu, ni vanungungulu va si vatigo, vanungungulu nya vaphya va gu ngari gu vboha, va ngamba khozedwa khu vababe vanu.

Dhewuteronome 4:3

Maho yanu ma wonide esi Pfhumu Nungungulu a giridego khu kotani ya Bhahali-Peyori; khu guralo, vathu vatshavbo vale va nga landrisela Bhahali-Peyori, Pfhumu Nungungulu wanu, a va mbembiside vbakari gwanu.

Valamuli 6:32

Khu kotani nya isoso, Gidhiyoni va di mu rana khavo khuye Jerubhahali, kholu Jowasi a di ganede khuye Bhahali a na dzi vhikele, kholu gu khungumudwe giluvelo gyaye.