Hoseya 8:7 - Bhibhiliya Nya Guage

⁷ Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Hoseya 8:7 Iomraidhean Croise

Genesi 41:23

aholu gu di landrela, gu duga simbe livbandre na sivili sivbila nya guwondre, nya guwune khu guhahudwa khu phuvbo ya Khugadambo.

2 Dzipfhumu 15:19

Khavbo avbo, Puli, mufumeli wa Asiriya, a dita guta wugela litigo la Israyeli; Menayemi, a di ningela ga Puli, likhumi mazana (1.000) dzitaleta nya parata, gasi a kodza gu mu phasedzela gu tiyisa wufumu mandzani gwaye.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

Joba 4:8

Kholu eni nya gu wona gukheni, avo va limago mithumo nya guvivbe ni gu yala guvivba, khiyo mihandro va vbwerago.

Mavingu 22:8

Uye a yalago wuvivbi, a na vbwera tshanisa; ni ndronga a tshanisago khiyo vakwawe, yi na mu fanyegela.

Muhevbudzi 5:16

Avbovbo wusiwana nya wukhongolo ngudzu ga muthu a bwelelago nga idzo a dzudego khidzo. Gasi gu dzi garadza gwaye gu mu phaside ginani?

Isaya 17:11

Ambari iso u na si yalago, si vbiredzela gudandra, khu litshigu li landrelago si thela wenge, iso u na vbwerago si na mwalalega khu litshigu nya gutshaniseke ni wuvi nyamba vbela.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Gililo 5:2

Thomba yathu yomo mandzani ga va nya mayigo, dzinyumba dzathu dzi ningedwe vavbindri nya ndzila.

Hoseya 2:9

A na landrisela sibhayi saye, aholu kha na si mana; a na si vbweta, aholu kha na si mana. Khavbo avbo, a na ganela, khuye: Nyi na bwelela ga mwama wangu nya guhegule, kholu nyi diri tshukhwana guvbindra edzi nyi guromo khidzo olu.

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Hoseya 9:16

Efrayimi bayisidwe, mikhamba yaye yi bangide, kha na ninga gambe mihandro. Ambari a gu velega sanana, eni nyi na songa mihandro a yi golago ya rumbuni gwaye.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Vagalatiya 6:7

Mu nga dzi pfhadzini sanu; kholu Nungungulu khandri wa gu hagana khuye. Muthu ni muthu a na vbwera esi a nga yalago.

Vagalatiya 6:8

Kholu oyu a yalago gudogorela nya tumbunugo nya wuthu, khu nayo nya tumbunugo a na vbwera guhina. Gasi oyu a yalago mithumo ya Liphuvbo la Nungungulu, a na vbwera guvbanya nya gupindruge.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;