Hoseya 8:6 - Bhibhiliya Nya Guage

⁶ Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Hoseya 8:6 Iomraidhean Croise

2 Dzipfhumu 23:15

Ambari ni giluvelo nigyo gi bani giri Bheteli ni wulanga nya gukhugege uwo wu nga girwago khu Jerobhowamo, mwamana wa Nebhati, uye a nga ghohisa vatshavbo va na Israyeli; gumogo ni giluvelo gyogyo, ni wulanga nya gukhugege si di khungumudwa, nyumba yakone a yi vbisa yi khala nguma, a vbisa gifananiso gya Asitaroti.

2 Dzipfhumu 23:19

Vbavbandze nya esi, Josiya a di dusa gambe dzinyumba dzatshavbo dza malangani nya gukhugege, ma nga bani ma romo madhoropani ga Samariya, ma nga bani ma giridwe khu vafumeli va Israyeli, gasi gu gorosa Pfhumu Nungungulu, a ma gira kha nga idzo a nga girago khidzo tigoni ga Bheteli.

2 Dzikoronika 13:8

Olu mu ngu pimisa gukhenu mu na dugelela ga mufumo wa Pfhumu Nungungulu, gani? Hi ngu dziti gukhethu enu mu gidzemo nya gingi, gambe mu na ni vanungungulu nya simombyana nya ndralama, esi Jerobhowamo a mi giredego.

2 Dzikoronika 31:1

Hwane nya gu bani gu vbede esi, vatshavbo va na Israyeli va nga bani na vari vbale, va di khuga va hongola madhoropani ya Judha, vaya pandrelela sifananiso, va kokelela madingo nya sifananiso sa Asitaroti, va khungumulela malanga nya sigomo, ni siluvelo tigoni gwatshavbo gwa Judha, ga Bhejami, ga Efrayimi ni ga va na Manasi, kala va vbedza satshavbo. Khavbo avbo, vatshavbo va na Israyeli, va di bwelela, muthu ni muthu a hongola gaya gwaye.

Jeremiya 10:14

Vatshavbo va si wonago va gu samala va si pimi gilo; vapfhuli vatshavbo va khala dzitshoni khu kotani nya sifananiso sawe nya guvatwe; kholu sifananiso va si pfhudego khya malipha, iso si mwalo hefemulo.

Jeremiya 48:13

Mowabhi a na thedwa dzitshoni khu nungungulu waye Kemosi, kha nga Israyeli a nga thedwago dzitshoni khu Bheteli, a gu nungungulu waye a nga bani a gu mu tumba.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Mikeya 1:7

Sithombe saye satshavbo nya guvatwe, si na khungumuledwa ni satshavbo iso a nga bhindzulago khu wuphuphulu, si na dagarela khu nilo, sithombe saye satshavbo si na khungumuledwa, kholu uye a si wungedzede khu tengo nya wuphuphulu, kha nga hakhelo nya wubhayi waye.

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 19:26

Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.