Hoseya 8:13 - Bhibhiliya Nya Guage

¹³ Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 8:13 Iomraidhean Croise

Ekisodha 20:3

U nga manegi nuri ni vambe vanungungulu mbeli gwangu.

Ekisodha 32:34

Olu, khuga u thangela vathu vangu, u va yisa iyo nyi nga gu leletelago iyo. Ngilozi yangu yi na thanga mbeli gwago. Aholu, litshigu nya guthethise, nyi na va tsayisa khu kotani nya sighoho sawe.”

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Isaya 1:11

Dza gu nyi phasa ginani dzimhamba dzanu nya dzingi? A ngu wudzisa Pfhumu Nungungulu. Nyi garade khu miphaso yanu nya guvbiswe nya dzinvuta ni mafura nya sifuyo nya gunone. Kha nyi tsakiswi khu novba nya sikuzyana, nya dzinvuta, ni vanyamabhongwe.

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Ezekiyeli 29:16

“Egipito gima kha na tumbega gambe ga litigo la Israyeli, aholu gu na gira gialakanyiso nya guvivbe a giridego gikhati va lombidwego giphaso. Khavbo va na dzitigo gukhavo kheni Mune Pfhumu Nungungulu.”

Hoseya 11:5

Kha va na bwelela gambe tigoni ga Egipito, aholu va na fumedwa khu Asiriya, kholu va nga bomba gu vbindrugedza mavbanyelo.

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Amosi 8:7

Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Luka 12:2

Gi mwalo gi nga sihwa gi na gumba tugudwa; kha nga gambe, mwalo sihalo wu na gumba tidwa.

1 Vakorinto 11:20

Aholu enu kha mu tshangani dangamwedo khu gighelo nya guta hengela gilaleloni ga Pfhumu,

1 Vakorinto 11:29

Kholu oyu a hodzago ni gu sela nyamba hambanisa Givili gya Pfhumu, a gu hodza ni gu sela gumbemba gwaye.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Dhewuteronome 28:68

Pfhumu Nungungulu a na gu bweledza khu mataro tigoni ga Egipito, ndzila nyi gu embedego, kheni: Gima khu na yi wona gambe. Avbovbo mu na ya dzi rengisani ga valala vanu, mu khala dzikhumbi nya vama ni vanyamayi, aholu mu na hamuga muthu nya gu mi renge.

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.