Hoseya 7:7 - Bhibhiliya Nya Guage

⁷ Vatshavbo va gu vbisa nga gidhingiselo nya nilo, va dagaredzisa valamuli vawe; vafumeli vawe vatshavbo va gu thega, mwalo ni moyo wa vbakari gwawe a nyi lombelelago.

Hoseya 7:7 Iomraidhean Croise

1 Dzipfhumu 15:28

Bhahasa songide Nadhabhi khu mwaga nya wuraru nya gufume ga Asa, mufumeli wa Judha, a gu fuma uye wulangani gwaye.

1 Dzipfhumu 16:18

Avbo Ziniri, a nga wona gukhuye lidhoropa li ngu hadza gu wandrwa, a di bela nyumbani nya wufumu, aya yi vbisa nari umomo, afa.

1 Dzipfhumu 16:22

Aholu, vathu va nga bani va gu landrela Oniri, va diri ni tshivba ngudzu gu pala avo va Tibini, mwamana wa Ginati. Tibini a difa, a fuma Oniri.

2 Dzipfhumu 10:14

Jewu a di va embela, khuye: “Va moleni na va nga gu vbanya.” Va di va mola na va nga gu vbanya, va di ya va songa vbafuvbi ni nambo wa Bheti-Ekedhi, va diri magumana na vavili vama, mwalo na moyo va mu tshidego.

2 Dzipfhumu 10:7

Avbo li nga vboha gwawe lidangalila, va di dzega sanana nya vama sa mufumeli, nya livbandre na mavili magumi va si songa va pila mihungo yawe va thela miravani va yi rumela ga Jewu, dhoropani ga Jezireyeli.

2 Dzipfhumu 15:10

Salumi, mwamana wa Jabhesi, a di mu lemba a mu wugela, a mu songa na gu wonwa khu vathu. A phara uye ndronga nya wufumu.

2 Dzipfhumu 15:14

Kholu Menayemi, mwamana wa Gadhi, a di khuga khu Tiriza, ata Samariya; ata sasela Salumi, mwamana wa Jabhesi, a mu songa tigoni ga Samariya, a fuma uye wulangani gwaye.

2 Dzipfhumu 15:25

Peka, mwamana wa ndruna yaye Remaliya, moyo nya ndruna yaye, a di dzega livbandre magumi vama va Gileyadhi a mu girela gikungo nya gu mu wugele aya mu songa Samariya namboni wa ndrangani ga mufumeli, gumogo ni Arigobhi ni Ariye; a fuma uye wulangani gwaye.

2 Dzipfhumu 15:30

Khavbo avbo, Ozeya, mwamana wa Ela, a di gira gikungo a wugela Peka, mwamana wa Remaliya, a mu dhumela, aya mu songa, a fuma uye wulangani gwaye, khu mwaga nya magumavili nya gufume ga Jotamo, mwamana wa Uziya.

2 Dzipfhumu 9:24

Jewu a di dzega wulaho waye a wu khwandra khu tshivba a hekha Joramo, gighalala gi di bela khu magatani gi paya monyo gi duga khu vbakhanatunu a thega na fude karetani gwaye.

2 Dzipfhumu 9:33

Khavbo avbo, Uye a di khuye: “Mu rinyeni khu vbatshani a thega vbavbatshi.” Avo va di mu rinya khu vbatshani a thega vbavbatshi, novba waye wu di mitegedzela ndzari ni dzikavalu, Jewu a mu pfara khu kareta.

Joba 36:13

Aholu va nya guvivbedwa khu myonyo, va na wungedzela likhulo la Nungungulu, va si kodzi ni gu lomba giphaso.

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Isaya 43:22

Ambari khu guralo, uwe Jakobe, kha wa nyi khozela, u di garala kheni uwe Israyeli.

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Ezekiyeli 22:30

“Nyi vbwetide vbakari gwawe mwama moyo a nga vbahago mabhiyo, a nga emago a tiya mbeli gwangu a vhikela litigo leli, gasi nyi si li khungumuli, aholu kha nya mana ni moyo.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Hoseya 13:10

Olu womo hayi mufumeli wago, gasi a gu vhikela madhoropani gwago gwatshavbo? Ni valamuli vago u nga va lombago, khuwe: Nyi ninge mufumeli ni vathangeli?

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 7:10

Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.